الحب هو.........

في كثير من الامور في حياتنا بين الاختيار وبين القدر
الحب من اي فئة قدر ولا اختيا ر
باختيارك تحب
ولا الحب يختارك
ممكن نطوع قلوبنا
فنحب الي يهتم ويراعينا اكثر
ولا مالنا اختيار
****************************
احسن

اكون مع واقع ما ابيه بس موجود
ولاحلم
قاعدة ادور عليه من سنين
ويمكن احصله ويمكن ما احصلة
شي محير ومخيف

الحب احساس مفاجي يمر علينا ؟
ولا تعّود نكتشفه بيوم ؟ ولانقدر نستغني عنه ؟
بعض الاحلام محتاج جهد
تشتغل وتجتهد وتوصل للحلم وتحوله حقيقة
بس اشلون اجتهد في الحب
في كتاب مقرر ,دورة اخذها
ولا الحب علم كامل قائم بذاته يبيلك سنين علشان تتقنه وتعرف خباياه
ولا موهبة

البعض يمتلكها ومو كل من يملكها يقدرها

موهبة التعرف علي الحب

ممكن اكون قاعدة ادور علي شي ماني عارفته
بس شو الطريقة الي راح احدد اذا الي لقيته حب ولا وهم
احساسي فيه ولااحساس الي حوالي فيه
لو احساسي غلط
او احساسهم غلط
شلون اتاكد

الي مر عليه "المذكور اعلاه"خل يقولي شنو لونة
شلون طعمة
حلو مثل العسل
ولا مر علقم
حامض,حلو

ولا بدون طعم
له لون؟
شنو من الالوان
احمر فاقع
ولا ازرق هادي
اصفر حيوي و
ولا بنفسجي بارد
ابي وصف علشان اذا صادفته
اعرفه
واتمسك فيه
يمكن يكون عندي ويمكن للحين ما وصلت له
هل صحيح لما قالوا " الحب مثل الشمس نراها ولانستطيع الوصول لها "

بس

ممكن
ان ظلينا بعاد يقتلنا البرد

وممكن
ان قربنا يحرقنا القرب

اذا له لغة مختلفة علموني حروفها ابي اتكلم بلغته لما احصله يمكن افهمه ويفهمني
ونوصل لحل يرضينا
شرحولي لو صادفته شلون اعرفه
بس كل الي متاكدة منه
ان شي متعب في البحث عنه

اشوفكم علي خير

ملاحظة :العنوان هو العنوان المشهور لكاريكاتيرات احمد رجب "الحب هو"

وظننتُ أنّكِ تَعرفينْ معنى سوارَ الياسمينْ

من اجمل واحب الزهور لي هي الورد الاحمر,التوليب والياسمين

الورد احب ريحته وشكله

التوليب زهرة نادرة احب شكلها انيقة جدا

بس ما قط فكرت اشتري توليب كل زهرة احس لها طابع خاص

يميزها التوليب احسها مثل بنت ارستقراطية قاعدة في برج عاجي

ويمكن هذا سر جمالها بعْدها وندرتها

بس الورداحسه قريب اكثر من الناس متوفر

وموجود وزراعته مو صعبة ومايتطلب الكثير من الجهد

اليوم الصبح رحت وشريت وردة وحدة بس

احبها تكون مفردة بروحها وحطيتها علي مكتبي

طبعا ماسلمت من التعليقات :p بس مالي شغل فيهم

المزاج عالي وما ابى اي احد يكدره

الياسمين زهرة وايد احبها بس حبيتها اكثر لما عرفت قصتها

تقول القصة ان يوم من الايام طلعت حورية من البحر للارض

تدور زوجها المفقود

دورت ودورت بس مالقت زوجها من يأسها بدات تبكي

كل دمعة اوصلت للارض زهرة بيضاء

وتجمعت الزهور وكانت كلها باللون الابيض

بعدها بايام مر رسام معاه ريشة والاوان

وشاف كل هالزهور البيضة وقرر يعطي كل زهرة لون

عطي زهرة, اللون الاحمر وكان الورد

وعطي الاصفر لزهرة ثانية وكان الروز ماري

وكمل بريشته والوانه وعطي كل الزهور لون خاص فيها

الي ان وصل للزهرة الاخيرة وطلب منها تحني راسها

علشان يلونها ويكون لها لون مثل باجي الازهار

رفضة الزهرة ,رفضة انها تنحني رفضة انها تتلون باي لون

ومن ذاك اليوم ظلت الياسمينة بيضاء نقية
مثل كل انسان نقي يرفض ان ينحي او يتلون

عرفتوا ليش احب الياسمين
اشوفكم علي خير

ملاحظة:القصة بتصرف من قصيدة للشاعر عمر الفرا
والعنوان جزء من قصيدة لنزار قباني