الاثنين، 13 يوليو، 2009

الحلو للحلو





السلام عليكم :) شخباركم مدونين ومدوِنات شحالكم



طبعا وحشتوني وايد بس الوقت ما يساعد ولاا نا اتواصل معاكم من



خلال مدوناتكم واتابعها باستمرار



طبعا الي خلاني ادخل اليوم واكتب بوست اهي مدونتي



"Sweet Revenge"



اليوم الثالث عشر من يوليو 2009 يو ميلاد مدونتي "سويت رفنج"



يوم صيفي حار من ايام يوليو الحار ,قررت اتواصل مع زملائي



من المدونين والمدونات وابدا مدونة خاصة فيني



فكرة ان يكون لك مساحة تعبر فيها عن افكارك وارائك كانت مخيفة بالنسبة لي



كوني شخص كتوم وصعب علي اني اعبر او اتكلم عن نفسي



بس سويت رفنج ساعدتني ,وتوني في اول المشوار



انا وهي مبتدئين في هالعالم ومحتاجين نتعلم اكثر وننضج اكثر



سعيدة بالعلاقات الي كونتها مع مدونين ومدونات ما اعرفهم



معرفه شخصية بس احس فيهم قراب وعزيزين علي



تعلمت واستفد من الكثير منهم واضافوا بعد جديد لحياتي



حصلت عند بعضهم اجابات لامور ماكنت محصلتلها تفسير



مدونين ومدونات يشبهوني بكثير من الامور وخاصة



بافكارهم الي تشبه افكاري



"سويت رفنج "قدمتلي الكثير اليوم اقولها كل عام وانت بخير بعامج الاول


وعقبال البوست المليون
اشوفكم علي خير
:)

خلفية

Leelou Blogs