الخميس، 23 ديسمبر، 2010

@@




http://alwatan.kuwait.tt/ArticleDetails.aspx?Id=75891


نازلة من تاريخ 18/12/2010


محد قالي


@@


انزين مايصير اغير راي


ابيهم ينزلون بوست ثاني


حاسة جنا احد دخل صالة بيتنا وصورني بدون مكياج


اممممم


ياربي انزين تنحنحوا قولو شي


انا مو زعلانة بس متفاجاةالصراحة


مجتمعي اهو مجتمع التدوين لاغير


ماتوقعت


احد بينشر لي شي


الله يعطيهم العافية :)


بس همن


كنت بحط مكياج :(


شكلي طلع حلو؟


الخميس، 16 ديسمبر، 2010

وللصبر حدود




السلام عليكم :)



شلونكم مدونينا الكرام


في احاديثنا اليومية نسمع كلمات


مثل "دير بالك لا تعطي وايد من نفسك "


"للحب حدود مو كل شي ينعطى"


كلمات تحفزعلي تحديد وتقنين المشاعر والعطاء بشكل عام


من القدر الي نعطيه من عواطفنا و من انفسنا حتي لاقرب الناس لنا



المشاعر لها حد ؟


العطاء له حد ؟



هذا اذا انا الطرف الي يعطي


بس اذا انا او انت الطرف الي ياخذ ارضي


ان صديقتي تعطيني نص قلب ؟


ارضي زميلي يعطي "الا ربع" من مجهودة بالشغل؟


اتقبل ام تحب ولدها بس اذا صار ولد مطيع ومؤدب؟




اذا كان ضروري التقنين والتحديد


شنو المعيار


شلون اقدر اقيس القدرالمناسب من


الحب او الصداقة او الزمالة


بالكيلو مثلا ؟ شنو وحدة القياس الصحيحة ؟


لو كنت انت من الي يحدد ويقنن لاي سبب من الاسباب


شفت نتيجة من مبدا التقنين هذا ؟



موضوع غريب ؟ اكيد.


ليش هالموضوع؟


لان ظل شاغلني مدة ,صحيح ان


واجب الانسان يعطي


ويراقب ربه و ضميره


هذا كلام مفروغ منه


بس من المشاهدات الي حوالينا واضح


ان الي يعرف يوازن او يقنن العطاء


يستفيد اكثر وانا متاكدة ان لكم نفس


المشاهدات ونفس الملاحظة والامثلة كثيرة



المكافاة للتقنين للتحديد بس الكل

يطلب العطاء غير المحدود

والحب الغير مشروط


شلون الناس تطلب شي ويكافؤن عكسه؟

الموظف الشاطر الي يعطي بحدود , المدير يعطيه اكثر علشان يشتغل اكثر

الزوجة اذا ارفعت شعار "عدم التعاون مع الزوج" يعطيها الي تبي مع انه

طلب الزوجة المطيعة في شروطة

طلب الطاعة وكافئ العصيان

مو تناقض؟


انا اسالكم لان ماني عارفة اطبق هالمبدا


شغل نص نص ما اعرف له


عاطفة " كيلو الا ربع " ما اقدر اعطيها

اذا التحديد ضد طبيعتك


شالحل ؟



اشوفكم علي خير






الأربعاء، 3 نوفمبر، 2010

نهر الجنون






السلام عليكم شلونكم اصدقاء التدوين



زواري الكرام



غبت؟



معاكم حق ,اسمعها قبل لاتقولونها


وينج؟



الصراحة



كنت ضايعة في



نهر مجنون



نهر توفيق الحكيم



مسرحية





بفصل وحيد



كتبها



لان مر علي هالنهر الملوث بالجنون


جنون اصاب كل اهل



المدينة ماعاده ملكها والوزير



وزير موافق يشرب من نهر الجنون وينضم للمجانين في مدينتهم



وملك يرفض يفقد عقله لو فقد ملكه ومدينته



لو فقد اهله ومجتمعه



احترت



قلت اشاوركم



لو فرضنا ان النهر وصل لكل الارض



وشرب منه كل الناس



وانت الوحيد العاقل



او بمعني ثاني المجنون الوحيد" في نظرهم "



شراح يفيدك فيه عقلك لحظتها



وانت وحيد لا اهل ولا سند



لا ملجا ولامامن



وحــــــيـــــــد



الكل



شرب من هالنهر



احباب



اصحاب



اهل





الا انت






عندك الشجاعة انك تواجه





وتتمسك بعقلك؟



ولا راح تطلب كاس من نهر الجنون وتشربها



وتنعم بالقبول والحب


منهم



راحتك اهم



ولا الحق اهم






هل عندك الاستعداد تخسر كل من تحب



ممكن تخسر عملك



تخسر مستقبلك




تخسر مكانتك الاجتماعية




والي اقوله تري مو فنتازيا ولا خيال



واقـــع مشــاهد


للامانة



بديت اخاف



ماني قادرة



اميز



هل زادوا الميانين



ولا يمكن



انا صرت منهم؟



اشوفكم علي خير















الأربعاء، 22 سبتمبر، 2010

اليوم يومي



قووووووووووووة
لووووول قبل قالولي قوة تحية شباب بس ما ادري ليش احبها
فقوووووووووووة مرة ثانية لكم كلكم ,رمضان خلص والعيد
خلص بس مو كل الاعياد .
عيد ميلادي الميمون يوافق اليوم الثاني والعشرون من سبتمبر
اقولكم شي وماتضحكون
كل ماشفت هالتاريخ احس شي يدغدغني ;) ,تاريخ حلو مجكنم
متناسق ,شرفت حضرتي فيه الساعة
6 المغرب "انا كل الناس الي اعرفهم مولودين بالليل او الفجر
ما ادري شمعنا انا ياية المغرب
جني مسيرة P:
الي يشاركني هاليوم قله قليلة وانتوا ان شاء الله منهم
كل عام وانا بخير :)وان شاء الله السنة الياية
دور اليوم تتحقق
كل امنياتي الي ابيها قولوا امين
اشوفكم علي الف خير

الأربعاء، 11 أغسطس، 2010

أجازة



مبااااااااااااااااارك عليكم الشهر

كل عام وانتوا بالف خير وعافية

شهرنا الكريم وصل

بالنسبة لي احس رمضان

اجازة

من السعي ورا الدنيا

السعي المحموم للحصول علي

رزق في الاصل مكتوب

اجازة للروح والجسد والعقل

شهر ممتع بكل مافيه

خفيف لطيف

يارب يعينا علي قيامة وصيامة

وماينتهي الا ومغفور لامة محمد اجمعين

اشوفكم علي الف خير

:)

الأربعاء، 21 يوليو، 2010

الخبير



السلام عليكم شلونكم مدونين ومدونات


مشتاقه لكم والله


مع اني متابعة لمدوناتكم دايما


ولكم مني كل الشكر علي مواضيعكم الحلوة خاصة بهالصيفية الحنونه

***

سنة 1996


اوبرا سوت لقاء لعاملين في مجال

صناعة اللحوم عن مشكلة جنون البقر بذاك الوقت

وصحّت الادعاءات الي تقول ان سبب جنون البقر

تغذية الماشية علي اعلاف حيوانية


طبعا الضيوف كان بين مؤيد لوجود المشكلة وحجمها الكبير

وبين منكر لوجودها اصلا


انتهي اللقاء


وفي الحلقة قالت اوبرا بما معناه


"I will not eat another burger”


المعني طبعا "انا ماراح اكل برجر مرة ثانية "


اسعار اللحوم في الولايات المتحدة

بعد الحلقة نزلت بشكل كبير

خساير بالملايين

واتحاد مربي الماشة رفع قضية

تعويض عليها بسبب ماسمي بال


(Oprah Effect)


اوبرا يمكن مفهوم نوع تاثيرها ,شخصية عامة محاورة

في برنامج مشهور له مشاهدين في العالم كله


وهمن من حقها يكون لها راي خاص فيها


بس الي صعب علي افهمه ليش نفس توع التاثير

هذا يكون علي البعض من ناس عاديين جدا


مواقف كثيرة تمر اشوف ان كلمة

عابره يمكن مقصودة او مو مقصودة تأثر بطريقة

كبيرة علي شخص ثاني


هل الشخص هذا يعرفك اكثر من نفسك


هل الشخص هذا اهم منك؟


مهما كان الاخر يعرف ويدري ويفهم


في النهاية رأي يحتمل الصواب او الخطأ


انا خبيرة في "انا"


وانت خبير في "انت"


فابد محد يقدر يغلبك في تخصصك


ومحد راح يعرفك ا كثر من نفسك


انزين


لو صاحب الكلمة كان واعي لتاثيرها كان قالها ؟


قاصد ولا موقاصد؟


شنو هدفه؟


خل نشوفها من الجهة الثانية


لو فرضنا انك انت


صاحب التاثير


لو علي الاقل في محيطك الصغير "العمل ,الدراسة ,العائلة "


في ايدك هالسلطة


راح تكون مرتاح وانت تمارسها علي الاخر؟


متاكد من رايك صح ولاخطا ؟


واذا خطا تتحمل العواقب؟


انت مؤثر ولامتاثر؟


نشوفكم علي خير

:)

خلفية

Leelou Blogs