الخميس، 24 يوليو 2008

احسدكم ..........

السلام عليكم
شلونكم شخباركم عساكم طيبين يا اهل المدونات

الصراحة احسدكم جدا جدا جدا .......................................
الحمد لله ما احب الحسد ولا احب احسد علي نعمة الله سبحانة عطاها لاحد لان اهو العاطي الوهاب اذا ابي شي برفع ايدي ادعي واقول يالله والصراحة احس الحاسد انسان جدا جدا غبي ,اي والله واحد مستانس بنعم الله علية وانا اطحن بروحي ولا احد دري عني بس واخ من بس احسد اثنين خل نقول غبطة مو حسد لاني مااتمني تزول النعمه عنهم بالعكس اتمني اتمني تززززززززززززيد لانه يمتعونا بنعمهم
احسد الكتاب سواء كان شاعر او كاتب (اي شكل من اشكال الكتابات الادبية ) , واحسد الفنانين سواء كان رسام-نحات -موسيقي
لان هالنوعين لهم قدرة علي ترجمة مشاعرهم الي شي جميل الناس تستمتع فيه .
جم مرة قريت قصيده اثرت فيك وحسيت انها تتكلم عنك وتعبر بالضبط عن الي في داخلك
جم لوحة هزتك من داخل وتمنيت لو انت الي راسمها وجم وجم
الانسان العادي وسائل التعبير عنده محدودة (صراخ _ضحك_بكاء_تحلطم لوووول-بوز ممدود_ابتسامة_صمت)
بس الكتاب والفنانيين وسائل تعبيرهم غير محدودة وناتج هالتعبير ممكن يستمر ايام وممكن يدوم العمر كله.
مؤخرا اكتشفت ان اصحاب المدونات يندرجون تحت فئة المحسودون في الارض من قبل شخصي الكريم , تعبرون عن مواضيع كثيرة ,مواضيع خطيرة ,جريئة ,هادية ببلوك صغير مايتعدا اسطر .
اعترف ماعندي هالملكة او هالميزة ,اتمناها بشدة وراح ارفع ايدي واقول يارب واذا ما الله كتب وصارت عندي
ادري راح تكونون موجودين ببلوقاتكم ,بقصايدكم وبلوحاتكم تساعدونا نعبر عن الي في ذواتنا ,وتكونون صوتنا للكل.

p.s
فنانة تعبر عني وايد "الليدي ماجدة "

http://www.youtube.com/watch?v=qmsZiK1mWQM


هناك 7 تعليقات:

غير معرف يقول...

وعليكــم السلام ورحمة الله وبركاته ..

الأخت الفاضـــله / هذا هو أول تواجد لي هنا ولن يكون الأخير بالتأكيــد ، إن كتابة الماقله ليست حكراً على أحد ولكن يتميز كاتب عن آخر بطريقة سرده لموضوعه .. لذا وهذا رأي الخاص إن كل شخص يستطيع التعبير عما بداخله عن طريق الكتــابه سواء كانت فكرة أو رأي أو مشاعر وغيرها من الأمور الأخرى .

وهنا أنا أرى من أنك تريدين ذلك والا لما كانت موجوده هذه المدونة لذا واصلي ما بدأته أختي وسنتجحي بأذن الله وتأكدي من أن البدايه دائماً ما تكون صعبه .

بحفظ الرحمن ... آدم

Sweet Revenge يقول...

هلاوالله آدم, اسعدني مرورك وكلماتك الطيبة,مثل ما قلت هي محاولة مني للتعبير اتمني تساعدوني بارائكم واقتراحاتكم

Sky Is Falling يقول...

waay ana a7taar mnhom
la la just kiddin ;PP i feel the same way towards them :)
mashallah 3lehom they r really talented
bs i think halmawhebah mo 100% fe6reyah .. y3nee tgdreen temtalkenha 3n 6ree8 ilt3alum o ilmomarsah
yallah sweet revenge ed3elna ymken m3 ilwgt n3rf nkteb chthee
D;

y36eech il3afya ;)

Sweet Revenge يقول...

حياج الله sky is falling
طبعا انا ماستوعبت الحجي في الاول عتيجة ما اعرف حق حجي النت ليديد هذا
علي العموم مشكورة وماتقصرين علي المرور
ان شاء الله ضرسج طاب ؟:)
شاهة

Sky Is Falling يقول...

لوووول يعني الحين مافهمتي شي :(
اسااعدج شوي
3---> ع
5---> خ
6---> ط
7---> ح
8---> ق
9---> ص
خلااص مره ثانيه بكتب بالعربي p؛
اي الحين ضروسي صاروا احسن شوي
hehe thanx 4 askin
D;

العـجــوز يقول...

السلام عليكم

ما شاء الله شنو هالمدونه الحلوه شرحه شرحه عسى الله يبارك لج فيها
من دخلت وانا اشوف الاضواااء والشراحه
يا بنيتي عادي انا بعد ما عندي هوايه الرسم والشعر بس يادوب اكتب خواطر على قدي فلا يضيق خلقج يا يمه كل انسان ربنا يعطيه على قده
يعني انا ربي معطيني
الجمال
والدلال
والرقه
والصحه
والعافيه
والطينه الخفيفه
شنو بعد يا ربي شنو بعد؟؟
اي
والتزهلق
والترزز
واللسان اللي يقطر عسل
والمقعد الحلو
شبقى بعد؟؟
تبين اكمل؟؟
لوووووووووووووووووووووووول
يعطيج الصحه والعافيه يا بنيتي ويخليلج شبابج
لا يضيق خلقج وانا امج اكيد عندج شي مو عند غيرج بس دوريه وبتلقينه
اول زياره وان شاء الله ما تكون الاخيره

Sweet Revenge يقول...

يا هلا ويا مرحبا توي ماتباركت المدونة ولا يهينون الكل
مشكورة خالتي علي المرور الحلو ,الصراحة ونستيني واخجلتي تواضعي
وصاجة يا الغالية كل انسان عنده مواهب بس يبي من يكتشفها فيه.
بس ابد مانقايش معاج خالتي مهما كانت مواهبنا ;) ,انا متاكدة ان المواهب الي ذكرتيها اقل من الخافي
الله يخليج لنا ولا يحرمنا من هالطلة الحلوة :)

خلفية

Leelou Blogs