الأحد، 15 مارس 2009

إن خلص الفول أنا مش مسئول

السلام عليك ورحمة الله وبركاته شلونكم شخباركم مدونين
وحشتوووووووووووووووووووووووووووووني حيل
واعتذر بشدة علي تغيبي بس مو مني من الفول ;)
تذكرون مسرحية المتزوجون لما سمير غانم يشرح
لجورج سيدهم شكل واحد ماكل فول وماشي في الشارع.

اي هالحاله تحوشني مرات ,ما ادري والله شيسمونها
بس يصير صعب علي اتواصل باي وسيلة كانت مع
اي احد واظل بروحي حتي كلامي يصير قليل
مرات اعرف اسباب هالحالة ومرات ما اعرف .
هالمرة عارفة سببها.

للحظة بدت وانا اقرا بعض المدونات
الي يبي يسكر مدونته لان متضايق من الردود
والي يختفي فجاة لان وضع البلد موعاجبة
"وابو لطيف " الي ماله اثر .

للحظة حسيت الزين قاعد يتراجع ورا لصالح الشين
وهذا احساس محبط لاي شخص
ليش الصح اهو الي يضعف ويتراجع مو الغلط
ليش الي فاهم يسكت والجاهل اهو الي يتكلم
ااذ تكلمت عن قضية او مساله ومقتنع فيها
ليش تتراجع اقعداعيد حساباتك علشان ترجع اقوي
بس امشي واودع لا ,خاصة اذاكانت كلمتي مؤثرة.

مدون له لون خاص ومميز واول مرة اشوف مدون يجمعون
عليه الكل برجاحة عقله ومنطقة
"ابو لطيف "ماشاء الله عليه منطق واسلوب فاقدينه هالايام
ليش اختفي ما ادري بس الي اعرفة ان صرح بالابتعاد
مرة في بوست ورد تراجع بس الظاهر خذه قراره .
صحيح انا مو في مكانه ولا اعرف ظروفه بس
من باب "العتب من المحبة "
اخر بوست لابو لطيف كان عن المحبة
انا احبه في الله وعاتبه عليه
ابتعاده وترك فراغ محد ينكره.

السالفة مو تدوين وبس
انا اتكلم عن كل شي
لما صاحب الضمير يترك مكانه لغيرة الي
ماعنده ذمة ولاضمير شراح يصير فينا
مر علي هالوقت الي كنت ابتعد فيه لان
الفساد كثير واكبر مني واقوي مني وغيرها من مبررات
لاتقدم ولاتاخر وكنت اننسي ان الحق قوي لو هو ضعيف
والباطل ضعيف لو كان قوي .

غيرت طريقتي ,تغيرت بعض الامور مو كلها الخلل موجود
وهمن انا موجودة ماتركت مكاني ولا راح اتركة
اي كان موقعك تعرف انك علي حق اثبت وقاوم غير لو قليل بس المهم تكون موجود
وماتتركها خرابه لاصحاب نفوس ضعيفة ماهمها الا مصلحتها ,الله الحافظ.
احد يبي صحن فول :)
نشوفكم علي خير


هناك 28 تعليقًا:

عثماني يقول...

مساج الله بالخير اخيتي

شلونج؟؟

كلامج صحيح

و بو لطيف اخ عزيز و مكانه فاضي

لكن وفي نفس الوقت ان عندي وجهة نظر

دوام الحال من المحال

ماكو شي دايم

بما فيها التدوين

مو بالضرورة ان الواحد يتعرض الى مواقف تخليه يبتعد

عن نفسي ... انا اعتقد ان ايامي بالتدوين صارت معدودة

مو لاني تعرضت لمشاكل .. لا ابدا

بس بديت احس بضيق الوقت و التدوين محتاج وقت و مجهود

علشان جذيه ممكن تلقين ناس يبتعدون عن التدوين

:)

Sweet Revenge يقول...

يا هلااااا ويا مرحبااااا يا عثماني الحمد لله بنعمة وعافية
عتبت علي ابو لطيف عثماني لان كان متضايق من بعض المضايقات وكرر جم مرة ان يبي يبعد عن التدوين ,بس كل مرة كان يرد بس هالمرة سواها من غير ما يتكلم
كان واعدنا ان راح يكمل سلسلته اذا تذكر
وفجاة اختفي
صدقني ضايق خلقي عليه وقلت عتبي عليه من معزته
ويارب يكون بصحة وعافية .
الحين قلنا ابو لطيف طلعت انت بعد تبي تبعد ,ضيق الوقت مو حجة ممكن تخليها علي فترات متباعدة واشك انك تقدر تبعد ;)اظنتي التدوين مثل الشعر صعب تهده يردك يردك
حتي اذا بعدت علي الاقل بلغت ونقدر نتواصل معاك ولا ماتبي نتواصل معاك
ومهما يكون قرارك تظل عزيز وغالي وجد احب مدونتك ومن اكثر المدونات الي شدتني وشدت غيري الله يوفقك ويسرلك دروبك :)

فريج سعود يقول...

لفتة كريمة لمدون كريم

نتمنى يرجع يكتب علشان يثري الساحة

يعطيج العافية

غير معرف يقول...

حدج صاجة ...
فقدناه ...

أحيانا في مدونين يرفعون ضغطي لسلبيتهم

وفي مدونين ينحطون على الجرح يبرا ...

انتوا منهم وبولطيف اولهم لان بداياتنا قريبة من بعض زمنياَ ..

ربي يجمعنا على الخير والطاعة

AK-47 يقول...

الحمدلله على السلامة

ويعطيج العافية على البوست

واهداء لج مشهد مسرحية المتزوجون لما المعلم عظمة يقرا الرسالة مالت لينا

يانهار اسود , في ايه , مش مممكن , في ايه ؟؟ ... مابعرفش اقرا :))

Sweet Revenge يقول...

الله يعافيك فريج ماتقصر دايم تواصل
وتمر :)

Sweet Revenge يقول...

آمين "حجر كريم" فعلا سلبيه حجر كريم حطيتي المعني الصحيح
شاكرة مرورج واهتمامج ,موفقه :)

Sweet Revenge يقول...

ak-47
والله شكلك متريق فول من الصبح وبادي يشتغل معاك ;)

:: بـوح الصمـت :: يقول...

بالضبط .. صاجة والله ..

دنيا بالمقلوب .. الصح فيها غلط والغلط فيها صح !

ويظل السؤال اللي يطرح نفسهم !
ليش اللي بيدهم الحق يتراجعون ويخلون الـباطل يغلب !

.. شاكرتلج طرحج الـ "الإشتطاطـي " ;q

موفقه حبيبة قلبي :*

لا بـد من الأخطاء والخلل .. لنُحـس بقيمة الأشياء !

ودي ..

سعدتِ بزيارتكِ الأولـى لمدونتـي :)

Sweet Revenge يقول...

يا هلا والله بوح منوره المكان
اذا كل واحد قال مالي شغل عيل شغل منو
طرح اشتطاطي الا طرح وحدة محتره والله
حرام ناس صح تنسحب وناس الله بالخير تستمر بدون كلل او ملل
وناطرين بوستاتج الجميلة بوح:)

أحمد الحيدر يقول...

عليج بالعافية ..

وفعلا بو لطيف طول الغيبة الله يرده بالسلامة :)

وتحياتي ..

mellow يقول...

شوفي هالايام بوستاتج وايد تاثر فيني..توني طالعة من المطبخ مسوية فول بخلطتي السرية (عسى تعجب الأهل)

شوفي آنا يت لي فترة كان ودي اسكر بلوقي بس قلت ليش أسكره؟ يمكن إيي يوم من الايام احد يمر على البلوق و يتأثر بالكلام إلي فيه (مثل ما آنا وايد متأثرة فيج لول)و يكون تاثير إيجابي عليه فاكون كسبت أجر في ميزان أعمالي.

بس الإنقطاع عن الكتابة ، هذي أعتبرها حرية شخصية بس الحمدلله آنا أشوف البلوقرز إلي انقطعوا عن الكتابة قاعدين يردون شوي شوي...فتى الجبل..راعي تنكر...العرزالة و غيرهم.

Sweet Revenge يقول...

الله يعافيك احمد ماتقصر

فعلا ابو لطيف طول والله يرد بالسلامة

Sweet Revenge يقول...

هلا والله ميلوي
اول شي شهيتيني صج علي الفولواكيد كل شي منج حلو ولذيذ

اشوة ان بوستاتي تسوي شي وهذا الي اقصدة ميلوي تغير بسيط كل مرة يمكن كلمه قلتيها وكتبتيها في يوم من الايام تاثر بشخص وتاخذه للخير
ومثل منت عارفة الدال علي الخير كفاعله

قرار شخصي اكيد بس ما يكون رد فعل لكلمة سلبية انقالت
لو كل واحد يشتغل انقالتله كلمة سلبية ترك مكانه من راح يظل

شاكرة مرورج ملوي كلامج فرحني ويارب يدوم المعروف :)

lawyer يقول...

اي والله صاااااااجه


فاقدين ابو لطيف



الله يخليييييييييييييج السنوووووووووو الي يطييييييييح عندج ابي منه بالصج

بس يززززززززززعج بالقرايه

Sweet Revenge يقول...

يا هلا ويا مرحبا فطومة غالي والطلب رخيص عاد سبحان الله قبل يومين كنت بغيرة اشوة مامسحته الحين ادزة لج
نورتينا وشرفتينا :)

-mate يقول...

صباح الفل (حطي واو إذا تبين)
:)

توني راد من مصر وأكلت فول أكثر من المصاروة، خلصته عليهم .. عيل لاتشوفين مشيتي، مو راضي يروح تأثيره لي يومج

بالنسبة حق بولطيف، فاقدينه من غير شر، لاحس ولاخبر. أكيد هد التدوين لظرف من الظروف، عساه يكون خير ويطمنا بس إن بخير وصحة وعافية ونعطيه إجازة قد ما يبي

دمتي بخير أختي العزيزة، ولاتكثرين من الفول .. ترى شديد المفعول
:)

Sweet Revenge يقول...

هههههههه الله يقطع ابليسك عيل خلصت علي المصرين ها
يا ريت تكون اجازة وبس احنا قابلين
لان يعز علي والله اشوف الي مثله يبتعد

حمد الله علي السلامة ولاتنسي تحط الصور باشوفهم

7osen يقول...

خوووش بوست وكلامج والله صحيح

للاسف هذا إللي صاير
الشين دائماً اكثر من الزين للاسف

وابو لطيف كان والله مدون متميز

بس الله العالم شنو ظروفه

مشكور على البوست المميز

Sweet Revenge يقول...

يا هلا حسين شهالصدف داشين بنفس الوقت

تعبنا من هالشين بس اذا الزين يترك مكانة شي طبيعي ما يظل الا الشين

يارب يكون بخير وعافية ابو لطيف
ومشكور وماتقصر علي الزيارة نورتناااا :)

`~MnO YeNSa! ~` يقول...

اي والله
بولطيف
مكانه
فاضي والله




بس دوام الحال من المحال
كلنا .. بيي يوم و نوقف

elq87obi يقول...

بوست حلو و كلامج عدل

بولطيف عزيز و غالي و مكانه مبين

أما آنا مابي فول كلش :)

يعطيج العافية

سلامي لج :)

اصحى يا مصر : اسلام ديو يقول...

بصراحة انا اول مرة ادخل على مدونة حضرتك
بس بصراحة اسعدتنى جداً
بارك الله فيكى

Sweet Revenge يقول...

هلا والله" منو ينسي " منورتنا
ابو لطيف يعرف مكانه بس يتغلي

اشوف الكتابة فرصة حلوه الواحد يفرغ مشاعرة او يرسل رساله للناس
تفيدهم
اذا الكتابة ماعطتني هالشي اكيد راح اوقف

اسعدني حضورج :)

Sweet Revenge يقول...

الكويت حبي يا هلا ويا مرحبا شلونك شخبارك
كلنا ودنا برجعت ابو لطيف
اما الفول فهو اسمنت المعدة علي قولة سمير غانم ماتبي يكون لك اساس متين ;)

Sweet Revenge يقول...

اصحي يا مصر: الشكر لك علي مرورك وتشريفك لنا :)

Barrak يقول...

فيج الخير


وعالم التدوين يحتاج للإستمرار
والاستمراريه بهذا الوقت صعبه



مو تسوينها انتي بعد وتغيبين

Sweet Revenge يقول...

وين اغيب ان شاء الله مافي غياب

وابو لطيف يستاهل بس وينه

خلفية

Leelou Blogs