الخميس، 1 أكتوبر 2009

Fallen





من الامور الي احبها وصعب امل منها اهي الافلام والاجنبية خاصة


يمكن حبي للغات في البداية خلاني اتابعها دايما ووايد ساعدتني


في تحسين لغتي الاجليزية
بس الي حبيتا فيها ا اكثر القصص الي تعرضها


ما تشدني افلام الرعب ,الدراما


,الاكشن ,الخيال العلمي او افلام الرومانسية الساذجة "شبقي P:"
احب الافلام الي فيها قصة او فيها فكرة يديدة


,افلام تخليك صج تفكر او تطلع منها بعبرة او عظة هذي


الافلام الي فعلا احس تستاهل ان الواحد يضيع من وقته ساعة او ساعتين يشوفها .
Fallen واحد من هالافلام ,عندي قائمة طويلة من نوعية


هالافلام بس هالفلم يمكن شفته في وقت خلاني افهمة اكثر
القصة ببساطة تتكلم عن ضابط يكتشف ان في


شيطان اسمة "عزايز "ينتقل من جسد الي جسد عن طريق اللمس
ويرتكب جرائمة عن طريق ضحاياه بس ما يقدر يظل خارج


جسد بشري مدة طويلة وبعد ما يتم اعدام الشخص الي كان مستضيف
عزايز في جسمة وارتكب جرائم من خلاله , يقرر


الشيطان "عزايز" الانتقام من الضابط الي كان سبب فهالاعدام
وتبدي رحلة الضابط للتخلص من هالشيطان .

نهاية الفلم ومشهد واحد فيه بالنسبة لي لخص رساله الفلم والهدف منه .
المشهد بين الضابط وزميله ويسال فيها الضابط بعد


ما "عزايز"ورطة في جريمة قتل وكان وايد حاس بالياس


شالفايدة من محاربتنا "عزايز" وهو ينتصر علينا في كل مرة
بس يرد عليه زميله ويقوله ان لازم نحاربه ونظل


نحاربه علشان ماتكون الارض خرابه يستمتع فيها "عزايز" وامثاله
نهاية الفلم طبعا النهاية المتوقعة الشيطان -عزايز- ما يموت يظل يحارب
يحارب العدل
يحارب الخير
يحارب كل شي جيد وطيب للناس
انا شفته في وقت كان "عزايز " قاعد ينتصر في مواقف كثيرة حوالي
في وقت كنت احس ان عزايز موجود حوالينا ومعانا ويمكن حتي داخلنا


زصلت لنفس القناعة ليش نحاربة واحنا مو قادرين عليه
حبيت الفلم وايد وكان جدا مشجع وفعلا "عزايز"موجود بكل مكان وزمان


بس الياس من محاربته هو الانتصار الحقيقي له
مابي اكون متحيزة للافلام الاجنبية بس قليل الافلام


العربية الي فيها فكرة تشدني بنفس الطريقة واحد من


هالافلام فلم "شي من الخوف "جدا ممتاز يمكن ماتميزون


العنوان بس في جملة في الفلم جدا مشهورة اكثر من الفلم نفسة


"جواز عتريس من فؤادة باطل "
فلم ممتاز وكثر ما يعيدونة ما امل منه واتمني


لو تكون عندنا" فؤادة" وحدة بس .

يمكن ما شفت كل الافلام ويمكن طاف علي بعضها
الي يعرف افلام بهالمواصفات لا يقصر معانا
والي يبي اكثر همن انا حاضرة :)


نشوفكم علي خير
ونهاية اسبوع سعيدة



هناك 39 تعليقًا:

reemas يقول...

مشكوره علي هالبوست الرائع
انا احب الافلام الاجنبيه و هم احب اكتب عنها و اشارك الناس الافلام اللي احبها
انا شايف هالفيلم من زمان و المشهد الاخير اكثر من رائع و كان مفاجئه

و فعلا شياطين الانس حولنا بكثره و والله لا يدخل اليأس لقلوبنا

اتمنى تكونين شفتي بوست فيلم
v for vendetta
في مدونتي
اعتقد راح يعجبج هالفيلم
لا تعتبرينه فيلم اكشن فالافكار و الحوار اللي بالفيلم هي اللي تميز الفيلم اكثر من الاكشن

و هم كتبت عن فيلم
Man on Fire
لدينزل واشنطن فيلم عنيف شوي بس فيه عواطف قويه
حب و انتقام

و ان شالله نستمر نتبادل الكتابه عن الافلام
:)
تحياتي

فريج سعود يقول...

حرقتي علينا الفليم

منك لله

Seldompen يقول...

صبـاح الخيـر

:)

وأنا مثلك أحب الأفلام , وخصوصاً مثل

ما قلتي اللي تحمل أفكار جديدة

وفريدة من نوعها ..


.. أن شاء الله تحصل لي فرصة أشوف

الفلم اللي قلتي عنه ..

,,

تقبلي مروري هاهنـا ..

لكِ التحيـة ..

Sweet Revenge يقول...

يا هلا دكتور :)زين لقيت احد يشاركني
حبي للافلام
هالنوعية اهي الي اقدر اسميها فن
بس الي استغربة له ان لما قريت الرفيوس علي فلم fallen
اغلبها كان سلبي وتكلموا عنه علي اساس ان فلم اكشن بس اهو كان اعمق من جذي
دينزل عموما اختيارات مميزه وينوع بادواره

قريت بوست"v for vendetta" وخذيت الرابط وان شاءالله اشوف الفلم باقرب فرصة
ولا تقصر علينا بالافلام الحلوة
شكرا علي التواصل الطيب :)

Sweet Revenge يقول...

لوووول فريج الفلم من انتاج 1998
يعني قديم ما حرقت عليك ولا شي وهالفلم متعته بالاحداث مو النهاية وصدقني راح يشدك وايد حتي وانت عارف النهاية
الفلم حلو ويستاهل
حياك الله

Sweet Revenge يقول...

يا صباح الفل والورد علي عيونج :)
يا هلا والله باهل الشرقية
الافلام قصص مرئية وانا احب القصص مقروة ومسموعة ومرئية
حياج الله pen seldom
بس ما قلتيلي شنو معني اسمك ؟

reemas يقول...

عاد اليوم حاطين فيلم
man on fire in mbc2

ان شالله يعجبج فيلم
v for vendetta

وبانتظار رايج
:))

7osen يقول...

بوست مميز

مو شايف هالفيلم

راح ادوره واشوفه
مع إني ما احب افلام القتل والاكشن إللي تكون بعيدة عن الواقع لكن الفكرة مثل ما نقلتيها شدتني وااايد

فعلاً المفروض تكون كل الافلام تحمل فكرة أو عبرة توصلها للمشاهدين

اذا عندج اقتراحات افلام حلووة لا تبخلين علينا لأن انا من فترة طويلة ما شفت فلم حلو

mellow يقول...

عزايز؟!!

أحسه وحدة شعرها كشة ولامته بعجفتين غصب...ما لقوا غير هالإسم؟

أشوه قلتي قصة الفلم لأني أخاف أشوف هالنوعيه من الأفلام.

آنا حدي كوميدي ... إذا رومانسي لا تصير القصة وايد حزينة .يعورني قلبي.


فيلم براد بيت (كيوريوس كيس أوف بنجامين بوتون) وايد حلو .. صج إن القصة خيالية بس وايد وايد مؤثرة.

Sweet Revenge يقول...

دكتور الصراحة استغربت يوم شفت الفلم قلت لا دكتورنا طلع ساحر :)
مميز وايد الفلم والعلاقة بين دينزل والبنت الصغيرة وايد حلوه ماخذ واحد عليه وايد دم وقتل غير جذي ممتاز
والفلم الثاني ان شاء الله باقرب فرصة واذا تقدر بعد حطلنا اياه علي الmbc
شمعنا Man on Fire
لك قدرات سحرية ;)

Sweet Revenge يقول...

هلا والله حسين ,الفلم قليله فيه مشاهد العنف بس القصة حلوه اذا قدرت تشوفالصراع بين الخير والشر وطبقته علي حياتنا اليومية
فكرته وايد ذكية وان شاء الله تحصلة وتستمتع فيه

افلام حلوه؟راح احطلك افلام قريب انعرضت علشان تحصلها بسهولة عندك فلم براد بيت الاخير "The Curious Case of Benjamin Button"
وايد حلو ,طويل شوية بس فكرة يدية وفي عبرة

في فلم ما ادري عاد اذا تحب افلام الانميشن بس روعة والحوارات عجيبة
يقولك شلون احنا نربي عيالنا علي مخاوف مالها معني وان مثل ما راح تشوف نفسك الناس راح تشوفك اسم الفلم "THE TALE OF DESPEREAUX
"
اقرب فلم شفته وعجبني فلم عربي "الف مبروك" فكرته حلوه صج تقليد لفلم اجنبي بس التنفيذ احلي
بصراحة في بالي وايد افلام شوف هذوله ولنا عودة :)

Sweet Revenge يقول...

عزايز علي حسب الفلم معناه "الشيطان "بس في لغة قديمة
والفلم ما يخرع هادي حتي ما في اكشن وايد ,انا ما احب الاكشن تري
بس الفكرة عجيبة
فلم براد بيت صج طويل بس ممتع وفكرته عجيبة حيل ياز لي .
تبين افلام لبراد بيت عندج فلم قديم بس حلو حلو اسمة Legends of the Fall دورة مو طبيعي في الفلم وايد راح يعجبج
اذا تبين افلام رومانسية بعد مالج الا شغل شاروخ خان ;)في العيد طلعت فلم مغبر من افلامةواستانست والله مع ان قديم
فلم Kuch Kuch Hota Hai
عرفتيه ؟

mellow يقول...

تم باس آئي
يو مسكرائي
تم ني ناجاني كيا ..سبنو دكائي

آب تو ميرااااا دل

جاغينا سوتا هيييييييييه
كيا كروائي
كج كج هوتا هييييييييييه

:)))

إشرايج؟

Sweet Revenge يقول...

لا تفوقت علي نفسج ميلو
والله انت الي ميرااااا دل
هذا لما طلع شي شي كان بوقته
بس كاجول وشارخ مع بعض عجيبين

بـنـت بـطنـهـا يقول...

يه يه يه استايل المدونه صاير حده يشوق انا ويني عن هالسوالف طافتني لول

انتي جنج انا احب الافلام (الامريكية بالتحديد) بشكل مو طبيعي وانا مو متأكده اني شفت فولن بس جني شايفته قصته مرت علي من قبل
وبيني وبينج عندي لسته طويله للأفلام بس نطريني انا قاعده احط اغراضي الحين طالعه الشاليه بس اوصل الشاليه اجابلج من هناك واسولف لج بقائمتي الطويلة :* تيك كير

Sweet Revenge يقول...

يا هلا ويا مرحبا
هلا والله بهالطلة الحلوة
بعد لازم نيو لوك حق العيد بس الحمد لله اعجبج
انا ناطرة افلامج مرات تمرافلام حلوة بس من زحمة الوقت ما يمدي نشوفهم
وتري مو بس الافلام انطرها حتي الاشعارج انطرها

SHOOSH يقول...

بدوره و بشوفه

شلون طافني الفلم

-mate يقول...

حيالله الشيخة, سويت ريفنج
:)
أنا قريت البوست لين ما وصلت قصة الفلم, جان أطوفه لأني ما أحب أشوف الترايل مال الفلم أو أحد يقولي شنو القصة إذا مو شايف الفلم .. لكن الفلم حطيته باللست بالتأكيد دام إنك مدحتيه أولاً .. ودينزل واشنطون ثانياً
:)

Sweet Revenge يقول...

شوشو الفلم قديم شوية -1998- انا شفته صدفة بعد علي التلفزيون اظن ال mbc
حياج الله عندنا :)

Sweet Revenge يقول...

يا هلا والله الدكتور شلونك وشعلومك بشرنا عنك
نوعية هالفلم حتي لو تعرف النهاية همن تستمتع فيه ,الحوارات والتنفيذ اهي الي تشدك للفلم والا القصة اهي قصة الشيطان بكل زمان وبكل مكان.
لاتقاطع ميت :)

بنت بطنها من الخيران يقول...

تامرين امر سويته ما طلبتي شي
بس هاليومين ماكو شي يديد اهو الالهام ما ايي إلا لي سافرت لوووول

المهم على طاري الافلام في افلام قصصها عادية لكن تشد وفي افلام قصصها غريبه

انا بالنسبة لي وايد افلام شدتني بس عاد لقيتي اللي تتذكر اسم الفلم لكن اذكر جم واحد حبيتهم

وهذي لسته ولو انها قديمة بس عشان تقوليلي اذا شايفتهم شرايج فيهم

Ghost
pretty woman
The Last Samurai
J.I.Jane
Miss congeniality 1&2
Honey
13th worrior
dangerous minds
The Gladiator

وتطول اللسته .. اما بالنسبة للأفلام اللي شفتهم مؤخرافمع ظروف الدراسة ما شفت الا خمس ست افلام يديدة ما اذكر اساميها بس عجبني منها فلم
Angles and Demons
فكرته غريبة
وحتى أعود لدور السينما مجددا سأوافيكم بآخر الاخبار :)

Sweet Revenge يقول...
أزال المؤلف هذا التعليق.
Sweet Revenge يقول...
أزال المؤلف هذا التعليق.
Sweet Revenge يقول...

Ghost شفته وايد رومانسي وديمي مور طبعا ولا اروع

pretty woman ما امل منه مهما عادوه حلو حلو وشوفي النسخة القديمة من الفلم "My Fair Lady " خطيرة

The Last Samuraiفلم قوي واستغربت من ثقافتهم

J.I.Jane احب ديمي مور بس بدون صلعةوافلام الاكشن ماتشدني البته

Miss congeniality 1&2 شفت الجزء الاول همن حلو ,كوميدي

Honey لا ما شفته

13th worrior ما شفته للاسف مع ان امدحوه وايد

dangerous minds شفته من زمان وما اذكر القصة الصراحة بس كان عن طلبة الثانوية

The Gladiator ما شفته ما احب رسل كرو وشغل ذبح ومذابح مايشدني بالمرة


Angles and Demons لا ماشفته قالوا مستواه وايد اقل من القصة من جذي قلت اقرا القصة احسن


لسته ممتازة
واذا عندج غيرهم بعد ادري ماراح تقصرين ;)

fatto يقول...

مساء الخير سويت رفنج اشلونج شخبارج :)

انا امووت على الافلام الي بعهد لويس السادس عشر وربعه :)

فاطمــه يقول...

اللله شوقتيني من زمان ما شفت فلم
واستمتعت بالنفيش وياه :p

انشاله الويك أند هذا

بوست وايد حلو يعطيج العافيه أختي **

Sweet Revenge يقول...

يا هلا والله فاتو شخبارج حبوبة
تحبين الافلام التاريخية يعني
في فلمين كانوا نازلين من مدة بسيطة ممكن تحصلينهم dvd
بس احلي من بعض
الاول يقولون ان قصة صجية
اسمة "The Other Boleyn Girl "
عجيب الفلم قصة وايد حلوة
الثاني
"The Duchess"
همن حلو
طبعا اذا تبين قصة من هالعصر عندج هاملت لميل جبسن قديم بس اذا قدرتي تحصلين فشي ممتاز

Sweet Revenge يقول...

حياج الله فيث
فعلا الافلام متعه
منورتنا في زيارتج الاولي حبيبي وان شاء الله مو الاخيرة
:)

@alhaidar يقول...

مممممم ما شفته الصراحو بس شوقتينا ..

هابي ويك إند :)

ملاحظة :
عزايز اسم رواية عجيبة إذا مارة عليج :)

تحياتي ..

Sweet Revenge يقول...

شكرا احمد تسلم ولو ان لا كان هابي ويك اند ولا شي
كنت طايحه مريضة والحمد لله
الرواية سمعت فيها بس لما قريت الملخص ما شدني تتكلم عن اللاهوت والكنيسة ما ادري تشجعني اقراها يعني؟

الفنان يقول...

عزايز عنده مدونه بعد
ومأذي خلق الله

بشووف الفلم حمستينا عليه


الحرب بين الحير والشر ,,, مستمر الى يوم القيامه .. كما بين الله جل في علاه بالقرآن ....
(( قال ربي فأنظرني الى يوم يبعثون * قال فانك لمن المنظرين ))
(( قال ربي بما اغويتني لأزينن لهم في الارض ولأغوينهم اجمعين * الا عبادك منهم المخلصين )) سورة الحجر

فالحرب بين الشيطان والعباد المخلصين
الي يوم القيامه


:)

Sweet Revenge يقول...

الفنان:الحمد لله ماطحت علي مدونته
قبل مدة طحت علي مدونة كلها كلام في الالحاد والمدون وايد فرحان بنفسة وفكره المستنير!!
الله يهدي يارب
وعلي قولتك عزايز موجود الي ان يرث الارض ومن عليها
بس مرات في زحمة االايام تنسي ان عزايز له جنود من الانس يقومون بواجبهم بافضل مايكون .
منورنا يافنان والله يبعد عنك عزايز وربعه .

أتيت متاخرة يقول...

ربي يبعدنا عن شياطين الانس والجن ويحفظنا منها

سويت ترى حدي اذا اطالع اشوف الافلام الكوميدي
والرومانس

واذا ودوني فلم رعب تنعفس القاعة بجي وصراخ مني وكل الفلم مغمضة عيوني >>> يعني ليش ما ادري

وبالاخير يطلعوني يقولون لي : وااااااااااي فشلتينا

أي محد جابرهم ايبوني لم رعب!!!!

Sweet Revenge يقول...

يا هلا والله اتيت متاخرة شلونج شخبارج
شخبار النونو
لا الفلم مافي رعب كلش وشزية اكشن الصراحة انا مثلج مااتحمل الاكشن والرعب كلش لا يحوشك بعد مالي خلق تفزز تالي الليل
اسعدتيني بمرورج متاخرة :)

fatto يقول...

The Other Boleyn Girl "
هالفلم شايفته حددده عجييييب اما الثاني والثالث ماشفتهم .. راح اشتريهم انشاءالله :)

Amphibious يقول...

خوش بوست , شوقتيني اشوق الفيلم
وشكل المدونة صاير احلى :)

Amphibious يقول...

خوش بوست , شوقتيني اشوق الفيلم
وشكل المدونة صاير احلى :)

Sweet Revenge يقول...

حياج الله فاتو واذا تبين اي شي لا يردج الا لسانج :)

Sweet Revenge يقول...

شكرا ak-47
لازم نيو لوك كل سنة
والفلم يستاهل لاتطوفه
من زمان مامريتنا وان شاء الله مو الاخيرة :)

خلفية

Leelou Blogs