الاثنين، 17 يناير 2011

تعليقات مفقودة



السلام عليكم :)


شخباركم مدونين وشلونكم مع الجو ;)


السوالف وايد بس الي ينكتب منها قليل


والي اقدر اعبر عنه همن اقل


اول ما فتحت المدونة


قلت " انا خايفة "


http://sweetrevengeq8.blogspot.com/2008/08/blog-post.html


تفاعلتوا معاي شجعتوني بتعليقاتكم الجميلة وكملت :)


من فترة بسيطة


لقيت تعليقات علي هالموضوع ماشفتها بذاك الوقت


وكانت اجمل من اني اتجاهلها او انشرها في الموضوع الاول


التعليقات بانشرها و... الخوف للحين موجود :/


تخافون ؟


ممكن نخاف من الفرح والامل ؟


ممكن نخاف من البسمة ؟


ولا بس انا ؟


اشوفكم علي خير :)


** يقولون الامور الي انتهاء ولكني لا اري منها انتهاء

بليت بأعظم الأدواء فتكا وداء الحب ليس له دواء

خلفان بن مصبح












التعليقات المفقودة :



بصراحه مو مجامله انتي في هالبوست عورتي قلبي ، للأسف


صج انا صبي بس كنت عايش نفس الخوف ، عايلة متحفظه جدا جدا ,,,


هذا عيب ، هذا حرام ، هذا ما يصير !!!
الضحك يعتبر سخافه ، وخفيف ، لا تطلع مع فلان شكله مو زين !!!
لوووول والصدف ان انا قعد احاول اكسر هالخوف بالمدونه !!!
اكبر سؤال بييج الحين شلون انا وصلت مدونتج !!
بطلت منو الي يسمعون محمد المسباح بالمدونات ما حصلت الا انا وانتي !!!
حياج الله ، ولا للتحفظ ، ونعم لكسر المستحيل والعادات والتقال البالية والنفسيه والنرجسيه


من Q8_Q8 بتاريخ خايفة!·بتاريخ 12/08/08




هلا والله فيج بس اسمحيلي لووووووووول ترى مانعض والله :)
شوفي الخوف شعور طبيعي عند الإنسان وخصوصا


إذا كانت بنت بعد يحق لها تخاف (اشوف بروفايلج مافيه عمر لوووول)
شوفي البلوق لج كتبي فيه الي تبين وبشكل عام


لاتتكلمين عنج انتي قولي مواقف صارت ودبسيها


باختج ولا بنت عمج لوووووول عادي المهم انج ترتاحين
بالأول والاخير الي ماراح يفيدج ماراح يضرج


ان شالله والعموم اهني اخوان وعلى قلب بعض
احس اني طولت عليج شكلي بنزل فيه موضوع حقج لووووول
بس ملاحظة لو تشيلين سالفه التأكيد


مالة الحروف علشان نحط التعليق اسرع :)


من MO3ATH بتاريخ خايفة!·بتاريخ 11/08/08



بالتدوين اذا ماكو احد يعرف انتى منو سولفى
بس هم مو بالامور الشخصيه
حياك الله بهالعالم الونيس


من على نفسها جنت براقش بتاريخ خايفة!·بتاريخ 10/08/08


المدونة احسن مكان تعبرين فيه عن رايك وتلقين بشر تفهم وجهة نظرك.
تشاركينهم آرائهم
وانشالله الكل اهني اخوان


من AK-47 بتاريخ خايفة!·بتاريخ 09/08/08



اخيتي العزيزة
دعي الخوف ..و انطلقي
لطالما كنت ملتزمة بادبيات الطرح
و اخلاقيات و نظم فلا تخشي شيئا
اطلقي المارد الذي بداخلك .. و ستعلمين


مدى السعادة التي ستشعرين بها


من عثماني بتاريخ خايفة!·بتاريخ 08/08/08


الانتقام العسل
يا هلا يا يمه والخوف شي طبيعي كل انسان


عنده اللي يخاف منه ترى بس الخوف يفرق من واحد لي واحد .. والتحفظ شي


حلو بس في اشياء ماله معنى التحفظ عليها .. انا ما الومج الوقت يخرع


بس هذا مو معناته ان احنا نتحفظ على كل شي في اشياء ممكن


تتشاركين فيها مع اخوانج وخواتج وفي اشياء تكون خاصه ولكل


انسان صندوقه الاسود اللي محد يدري عنه فيه كل اسراره وله جانب يتشارك


فيه مع الناس هذا هذا الاساس صار في شي اسمه مجتمع وجماعه
يالله بسرعه شنو نوع قهوتج؟
لوووووووول


من العـجــوز بتاريخ خايفة!·بتاريخ 08/08/08


هناك 20 تعليقًا:

Sweet Revenge يقول...

يا هلا Q_Q معاك حق الحماية الزيادة عن اللزوم تاذي مرات ,ومايفرق فيها الولد من البنت
اما محمد المسباح فصوت ولا اروع
شاكرةلك تعليقك عندي وسامحنا تاخير سنتين :)

Sweet Revenge يقول...

يا هلا معاذ
العمر ما يخوف p: بس همن ماني حاطته
الظاهر سالفة التاكيد اهي الي ضيعت التعليقات طول هالمدة
الصراحة حلولك حلوة نجرب لبش لا
شكرا معاذ :)

Sweet Revenge يقول...

على نفسها جنت براقش

"حياك الله بهالعالم الونيس "

صدقت بهالكلمة عالم ونيس صار لي اصدقاء واحباب

شاكرة وجودك :)

Sweet Revenge يقول...

AK-47


من ناحية اخوان ففعلا اخوان واكثر
تحياتي ak :)

Sweet Revenge يقول...

ماشاء الله عثماني ,تنبات "مدى السعادة التي ستشعرين بها "
انا فعلا سعيدة بهالعالم والله يدمها علينا
شكرااااا عثماني دائماوابدا :)

Sweet Revenge يقول...

العجوز

"ولكل
انسان صندوقه الاسود اللي محد يدري عنه فيه كل اسراره "

الله اشتقت لج والله ان شاء الله تكونين بخير وصحة ,صندوقي الاسدو تري صغير بس الاسرار الي فيه كبيرة :)
قهوتي يا محفوظة السلامة فرنسي سويت

شكرا لج

مـي يقول...

يااااااه
:)
ابتسامتي شقاقي وانا اقرا
شي عجيب لما الواحد يقرا شي عن قبل سنوات..
ويشوف الفرق بين اليوم وأمس وماندري شلون بيكون باجر..
:)
ياترى اللي كتبوا هالتعليقات يقرون الحين ردودج؟

اظن الاخ عثماني مستمر .. والبقية ؟

عثماني يقول...

فعلا مثل ما قالت الاخت مي

انا مستمر.. او على الاقل .. احاول ان استمر

:)

من 8 8 2008 احداث .. افراح احزان مرت.. وها نحن مازلنا في ذات المكان

:)

سعيد لوجودك بيننا اخيتي

والله يديم عليج السعادة

الجودي يقول...

سويت يا حلوة

البوست وايد عجبني و التعليقات و خصوصا عثماني سبحان الله من 2008 ما شاء الله تبارك الرحمن شي حلو و يونس ..

أما عن الخوف


أنا كنت أخاف تدرين من شنو من الفراق
يرعبني و خصوصا الناس القراب مني أخواني و خواتي أمي و أبوي و هالخوف قديم معاي وما أدري شنو سببه لووول أحسن كان شعور بالنكد متقدم ما ادري اشلون اوصفه

و سبحان الله لما مرة السنين و تفرقنا فعلا إلي سافر لدراسة و إلي توفى حسيت إن الأمور أكثر استقرار ما أدري يمكن كنت متهيبه هالمواقف .. صحيح تبكيني حد الانفطار .. بس مواقف طبيعيه و الكل يمر فيها ..
ما أدري شنو ترجمتها كنت ما اتخيل أفقد أحد والديني و لما توفى أبوي الوضع اختلف .. حسيت إن هذه رحلة ومحد مخلد و الرسول صلى الله عليه وسلم توفى طبيعي أبوي يتوفى و أنا ممكن بعد

و الحل

استمتع بحياتي و ما أخاف من الفراق و كل أنواع الفراق سيان ... أهم شي استمتع بالناس إلي حولي حالياوما أفكر برحيلهم أو غيابهم لآي سبب

سوري طولت عليج

سلة ميوّة يقول...

الخوف...

إي انخاف...
حتى من الفرح...
انخاف من كلشي طالما ممكن يزول..
انخاف من فكرة الزوال..الفقد..
حتى التواجد..

اممم انا وحده خوافه:) من كل شي يخص المشاعر...

بس شقرديه بغيرها..:)


احبج...

وعسى الله لايحرمنا وجودج معانا :***

Sweet Revenge يقول...

يا هلا والله مي تخيلي شعوري وانا اقراهم موقع بلوقر لما جدد الموقع لقيتهم "ما ادري وين كانوا مخشوشين "
حيل استانست وشوي زعلت لان بعضهم مو موجود الحين
اتمني يقرون هالتعليقات والردود ويرجعون معانا

Sweet Revenge يقول...

عثماني ,شفت شلون سنتين ولا التاريخ ذهبي 888
عسا دوم طلتك الغالية ووجودك بينا :)

Sweet Revenge يقول...
أزال المؤلف هذا التعليق.
Sweet Revenge يقول...

يا هلا بالجودي ,اولا الجودي مدونتج رافضتني :( كل مايت باعلق ما يطلع ما ادري ليش , نبي واسطة;)

ياالجودي جنج توصفين حالتي بس الفرق ان انت تعايشتي انا للحين
يارب اوصل للنفس النتيجة وترتاح القلوب
الله يتمم عليج هالعقل ويحفظج انت ومن تحبين :**

الجودي يقول...

سوووويتي أنا ما تعايشت بس كثرت المواقف و تكرارها اتخلينا انتعايش أو بمعنى آخر القلب يذوب و يتعلم على الوضع أكيد مو عادي الفراق بس أقل وطئة من أول فراق .. و الحمد لله ربج يقطع و يوصل و هذا الأهم سبحان الله ..


و بعدين البلوج كله ما عنده ذوق إلي ما يخليج اتعلقين في مدونتي أفا أفا عاد كله ولا تعليقاتج تدرين عاد إني فقدتج لأن دايم يكون حجيي نفس إلي في بالي ...

شوفي الغالية مالج إلي firefox أنا مدونتي مع اكسبلورر مو ربع ذاك الزود مع الفاير شغاله الحمد لله سو جربي و قولي لي إذا ما صار خل ارد احورف فيها اشوف شنو سالفتها ...

لأن حتى أنا ما اقدر ادخل إلي من فاير فوكس ...

ناطرتج الغاليه

Sweet Revenge يقول...

اشتغل :) والله اذونا هالمطورين كل يوم طالعين بسالفة واقعد دور

الله كريم يا الجودي مثل ماقلتِ يقطع من صوب ويوصل من صوب وانا عندي قناعة ان الله مايعطينا الا الي في مقدرتنا انتحملة

منوووووره يا الجودي :**

Sweet Revenge يقول...

"انخاف من كلشي طالما ممكن يزول.."

لـخصتي كل شي سلة نخاف نحب ويروح الي نحبة
نفقدة
احساس متعب واتمني اتغلب عليه

سلة مثلج ماكو :**
وكلكم علي عيني وراسي

cry angel يقول...

التنوع الفكري يقيمنا من فنره لفنره فما نقراه ونكتبه اليوم يختلف عن الامس على حس مدى توسع الادراك العقلي وعمليه اغلاق المعلومات والافكار

Sweet Revenge يقول...

صحيح كلامك "كراي انجل " مع الايام افكارنا تتغير واحنا بعد نتغير
وسنتين اكيد مو شوية
شرفتنا بوجودك انجل :)

غير معرف يقول...

اتقوا الله لا تصدق اقاويل المنجمين لا يعلم الغيب الا الله سبحانه

خلفية

Leelou Blogs