قط مرة تمنيت تكون شفاف
قط مرة حسيت انك شفاف
قط مرة احتجت تكون شفاف
ولما اقول شفاف اقصد فعلا شفاف غير مرئ
تتحرك بحرية بدون مايشوفك احد
بدون ما يحس فيك احد
وبدون مايسمعك احد
ممكن تكون شفاف بارادتك
وممكن تنفرض عليك الشفافية فرض
مكمن تكون بشكل جزئي
وممكن كلي
الانسان البسيط شفاف محد يسمع
له صوت ولا حتي يشوفة
شفاف شفافية تامة
وكل ما تكاثرت نعم الله عليك
تبدي بالظهور اكثر واكثر
الجاه
السلطة
الذكاء
الجمال
الصحة
كلها اسباب للظهور
مره تكون الشفافية نعمة
ومرات نقمة متعبه تتمني تتخلص منها
بس ماتملك الاسباب الي تكلمنا عنها
يمكن تقدر تحصل علي بعضها
المال او الجمال"الصناعي" مثلا
وغيرها صعب تحصله مثل
الصحة والذكاء
شالحل لحظتها؟
لما تنفرض عليك الشفافية
من اقرب الناس لك
لما تنحرم من كل شي من ابسط حقوقك
ببساطة
لانك موموجود في نظرهم
بس الاصعب والمؤلم
لما تتمني تكون مرئ
والثمن يكون قطعة منك
يا تدفع ولا تظل
شفاف للابد
تدفع؟ ولا .....
اشوفكم علي خير
*********************
هناك 22 تعليقًا:
فكرة إني أكون شفافة ، ماخطرت في بالي يوم..
لكن أعجبني وصفك أن الإنسان الشفاف يبدأ بالظهور عندما تظهر نعم الله عليه!
فعلا ! هنا الناس ينتبهون !!
صباحك ورد وفل وياسمين
حياج بتويتر ، جربيه يمكن ايوز لج
^_^
ترى يونّس
تعريفج لشفافية خلاني أنظر لحياتي بشكل مختلف الحمد لله رب العالمين
عني أكيد لو كان لظهور ثمن ماكنت راح ادفعه ..
بس تدرين لفت انتباهي شي بكلامج إن الإنسان البسيط في الغالب يكون شفاف ..
كنت أظن نفسج لكن بالتجربة اكتشفت العكس أحيان الإنسان البسيط يتميز بالبساطه و هي إلي اتخليه ظاهر للعيان ..
و تنفي عنه صفة الشفافية ..
ولكم باك حبوبه ..
بوست يشد وايد حلو ..
تسلم الأيادي :)
مي يا هلا بالثقافة والادب
ذكرتيني باغنية "مكسوفة منك"
حبيبتي نورتيني وشرفتيني وربي لايحرمني من هالطلة الطيبة :)
جودي حبيت وجهة نظرج ما فكرت فيها
الانسان العادي يلفت ببساطته اكثر
احب النقاشات الي تخليني اشوف بعيون مختلفه
:)
تسكعي عندي...
افا عليج بس
وان ماشالتج السلّة يالغلا
تشيلج عيوني..:****
اي والله ترا كرهت التوتر..جد كرهته..
يامن يهد عليه نسر والا صقر ياكله وينتف ريشه هههه:)))
المهم....
ابي اكون شفافة...مثل الي يلبسون طائية الإخفا...يوم واحد كل سنة...
مثل القصص الخياليه...انا راضيه...
مادري شنو بسوي فيه ..بس اي ..ودي مرات اكون شفافة...
وبنفس الوقت..
مابي أكون شفافة...
موجوده ومو موجوده..مالي حضور...
يشوفوني وما أنشاف...
يحسون بوجودي...ومالي إحساس..
ما أبي أكون شفافة ...بعين الي احبهم..
مابي اكون شفافه وقت الغلط..ومافيني لون حق يبان...مابي اكون شفافه اذا الشفافيه معناتها اتنازل...واترك...واقسى...
ومع هذ اابي اكون شفافه...
قلبي مثل القزاز....أقدر اسامح...
انسى...واحب الناس بكبر قلبي..
وتساع شفافيتي كل حب الارض...
ابي اكون شفافه بالتعامل مع الناس..
ما اخدع..ما اغتر..ومايخذني الكبر..
ومهما صار اتذكر..ان كل الناس الوان..
كلهم احسن مني بشي اكيد..واني شفافه...
الله عليج ياسويت الحلا كله.....
تغيبين وترجعين بموضوع ينسيني العتب
وموشح الزف الي مخصصته لج:)))
دامج رجعتي ماللعتب مكان..اهم شي لاتغيبين
حبي ياحبي:***
مااحب اكون شفافه كثر ني حب كون مو ملفته وخفيفه مثل النسمه ..
وحسيت اني شفافه او خيال الماته بالجامعه لما كلملموظفه وماتطالعني حتى هههه ..
وصعب انه يهمشج شخص تعزينه بس كرامتج بتخليج تتركينه ..
يا هلا رورو ,الصراحة هذي موظفة مو لطيفة ليش تحقر؟
"وصعب انه يهمشج شخص تعزينه بس كرامتج بتخليج تتركينه .."
صاجة يا رورو اصعب انواع الشفافية الي ينفرض عليج من العزيزين والبعد افضل حل
الصراحة ادهشتوني بردود الافعال
خذيتي الموضوع بطريقة رومانسية سلة
"قلبي مثل القزاز....أقدر اسامح...
انسى...واحب الناس بكبر قلبي.."
يا حلو الشفافية اذا بتصير جذي
احب الشفافية مع الناس المزعجين
واكيد مع حبايبي لا
اااايه ياسلة من بلش هالتويتر وانا ماكو الا مجابلة ميوة السلة واسحب تفاحة مرة وعنقود عنب مرة اخري
وكل حلو وكل ناطع
من نطاعة صاحبتها
يا مساء الانوار والمزاج العالي
:**
الشفافية تعطيني قوة
تعطيني ميزه ليست موجودة عند المرئيين
اراهم و لا يروني
لكنها قوة تسول للنفس امور كثيرة قد تحوله لشرير
اما بالنسبة للظهور .. قد اريد الذكاء
يا هلا فيك وحيد :) هذي الشفافية الاختيارية ,اننت تختارها وتبيها
وفعلا الي يملكها يملك قوة كبيرة واستخدامها يعتمد علي اخلاقياته
وميولة للشر او للخير
تبي الذكاء علشان تظهر ؟يمكن تكون ذكي وكل الي حوالينك يتجاهلون ذكائك وقدراتك عن عمد ,هذي الشفافية الاجبارية وهي المشكلة .
شفاف
رائع
إبداع
استمتعت كثير هنا أختي
موفقة أختنا المبدعة.
http://homeealone.blogspot.com/2011/05/blog-post_25.html
اهداء
شكرا :)
الله يحفظك اخوي سعد ,وشكرا علي مرورك وكلماتك الطيبة :)
هدية مقبولة وحيد عجيبة الله يعطيك العافية :)
** عجييييييييييييييب البوست عور قلبي وايد في ناس جذي محد ملاحظهم و وايد يفرضون نفسهم و يغثوونه الله يغربلهم و يفكنا من شرهم
يا هلا والله ميمة وين الغيبة يابنية
ااااايه اللزقات هذول موجودين بكل زمان ومكان الله يهدي
لاتباعدين خليج حوالينا :)
نعم..كم تمنيت :(
دشي تويتر انتي بعد :)
تحياتي
نعم..كم تمنيت :(
دشي تويتر انتي بعد :)
تحياتي
يا هلا والله احمد شلونك استاذنا
وليش ما انتوا تردون مدوناتكم المهجورة
انا فتحتلي حساب بتويتر
بس للحين ماتاقلمت معاه
انتوا رجعوا اسهل :)
مس يو :*
حبيبتي وانا مشتاقتلكم اكثر واكثر :)
إرسال تعليق