الخميس، 15 سبتمبر 2011

لأ




السلام عليكم مدونين ومدونات




الحمد الله الذي بنعمته تتم الصالحات خلص رمضان وخلص العيد ورجعنا من جديد لروتين حياتنا اليومي




ومدوناتنا العامرة




اليوم القصة شوي مختلفة




في يوم من اواخر شهر رمضان كنت اقف في طابور احد الشركات




لاتمام معاملة تقدمت مني سيدة شابة في اتم صحة وعافية وطلبت مني "بلباقة" ان تاخذ دوري في الصف الطويل




انتظرت ان تبرر لي سبب طلبها الغريب بالمرض او غيره




لكن كان عذرها الوحيد انها وقفت في الشباك الخطا !!!!




تطلب مني "بلباقة "ان تاخذ دوري




تطلب مني "بلباقة "ان تاخذ حقي !!!




اخذ الحق بلباقة




يمكن الاخت كانت مهذبة لبقة




بس غيرها لن يطلب حتي




راح ياخذ حقك بدون استذان "بالقوة"




والمواقف كثيرة ومتكررة




سياسة "الاخذ بالقوة والغصب"




في اللغة العربية الفصحى يسمي هالنوع من الأشخاص المـتـنّـمر




Bully




سلوك التنمر هذا واضح جدا حولنا ويكاد يكون ثقافة




التنمر علي الناس والقوانين




انا اريد انا اخذ




بغض النظر عن القوانين وحقوق الناس




مع ان القوانين قبل ان تكون ضدنا فهي معنا




تخيل دولة بدون قانون




ببساطة فوضي وانعدام امان




وسلوك التنمر موجود في جميع انحاء العالم




والي يطّلع علي موقع امازون سيلاحظ الكم الكبير من الكتب الي تتكلم عن هالموضوع




وطريقة التعامل مع هالنوع من البشر ووضع حد لسلوكهم




لانه سلوك "خطأ "




ويجب ان يـقـّوم




بس المشكلة عندنا نكافأ هالنوع من السلوك




الي صوته اعلي ياخذ حقه وحق غيره




والي يسلك الطرق السليمة يمكن ياخذ حقة ويمكن ماياخذه "انت وحظك"




فكيف نتوقع ان يكون في نظام واستقرار




وبما ان السلوك المكافأ يكرر




وما ينتهي الا بالردع




احنا نقدر نردع المتنمر




كل الي اتمناه ان تقول لأ وماتسمح لاي شخص ان ياخذ حقك




هذي الطريقة الوحيدة لحل هالمشكلة




كلمات مثل




ميخالف




توه صغير




طيش شباب




انا ما ادعوا لعدم التسامح بس




شاب يقطع الاشارة الحمراء و يقتل عائلة كاملة




هذا مو طيش شباب هذي جريمة




كل شخص فينا يقدر لما يقول




لأ --------حقي ما اتنازل عنه لك يا "متنمر"




تقدر؟




اشوفكم علي خير




:)


هناك 8 تعليقات:

a7mad Nabeel يقول...

اوففففففف !
صج اللي ما يحترمون الدور يرفعون الضغط
يسوي نفسه مو شايفك !





انزين قلتي لها لأ؟؟؟؟

قلب طفله يقول...

اي اكيد اقول لا و بالفم
المليااااان لاااااااااااا
طبع شين يرفع الضغط و يسبب مشاكل لما توصل ان المتنمر على قولة اللغه العربيه ياخذ اللي يبيه بالقوه لان ما لقى من يردعه و يدقره من البدايه :@

بس لا يكون عطيتيها دورج هالمتنمره
لو عطيتيها دورج بحاربج << مستشره

ناطره الاجابه عشان احاربج :P

Sweet Revenge يقول...

يا هلا احمد هي يت علي الدور وبس هذا مجرد مثال بس القائمة طويلة
اي شخص يكسر القانون هذا متنمر لان قاعد يشيع الفوضي في البلد
ويفتح المجال حق غيره للعمل بالمثل
لوول طبعا اعتذرت لها " بلباقة" لان انا مالي ذنب اذا اهي اوقفت في الشباك الغلط وصفت مثلنا في الطابور :-)

Sweet Revenge يقول...

ياهلا والله قلب طفلة لووول لا يبا الله لا اييب ازعل ان شاء الله ، في مثل مصري حلو يقول " يافرعون من فرعنك يقول: مالقيت احد يردني" ومشكله المتنمر ان ما لقي احد يرده ويوقفه عند حدة .
طبعا صاحبتنا اعتذرت لها وصفت مثلنا بالدور بس بوزها كان سابقنا كلنا ;-)

t7l6m.com يقول...

تأييد تام لكل كلمة
وفعلا ما كو حل إلا بكلمة لا
سواء مدوية أو بلباقه

الجودي يقول...

إن شاء الله ...

و إن كانت صعبه في بعض الأحيان لكن اكيد مو مستحيله ...

حبيت التوجه

:**

Sweet Revenge يقول...

يا هلا والله تحلطم في ناس تفهم بلباقة وفي ناس ماتفهمها الا مدوية عالية مافيها تراجع
منورنا تحلطم :)

Sweet Revenge يقول...

يا هلا والله بالجودي :) الصعب يهون جدام الظلم والاستفزاز ,وايد من مشاكلنا سببها سكوتنا خوف من العوائق والناس ووو
كلمة صغيرة وكل واحد يعرف قدرة ومكانة لأ مووووو صعبة :)

خلفية

Leelou Blogs