يقول فايق
عين لمحتني وشهقت.. وعين حضنت عيني وبكت
قصة كاملة
بنظرة عين
حقيقة ولاخيال ؟
لغة العيون
هل صحيح ان العيون لها لغة؟
شنو حرفها؟
وجم حرف في ابجديتها ؟
تختلف من شعب لي شعب؟
ولا لغة عالمية تفهمها كل البشرية
لها مدارس؟ ولا نتعلمها بالممارسة
الكتب تقو ل ان القصد من اختراع اللغات لبيان المعني وكشفه
تقدر لغة العيون تبين المعني وتكشفه
هل صاحب العين المتحدثة يقدر يتحكم بهالكشف ولا يتم بدون قصد
السؤال الاهم
تقدر تفرق بين العين الصادقة والعين الجذابة؟
بين العين الهادية والعين السادية؟
شنو وسائل الكشف؟
وكيف يكون الجزاء ؟
*شنو العيون؟
بحر العيون؟
هي شي؟
او مليون؟
في ناس تقول هي الدانة وهي اللولو وهي المحار
وناس تقول هي المجهول نبع سحر ونبع اسرار
ويقولون ويقولون
بس
شنهي العيون؟
اشوفكم علي خير
_______________
*قصيدة لعبدالرحمن رفيع
**الصورة من http://vb.n4hr.com/109284.html
هناك 24 تعليقًا:
مساء الورد :)
وايد حبيت البوست لان موضوعه مميز اكيد لغة العيون موجوده وكثر ماتتعمقين مع الاشخاص وتطور علاقتج فيهم تنشئ هذي اللغه بينكم تفهمينها بدون ماتتكلم بس من نظرتها لج
وهم مرات ناس ماتعرفينهم تفهمينهم بس من لغة العيون مع اختلاف اللهجات واللغات لغة سهلة وجميله ومميزه فعلا لانها تلامس المشاعر وترجع الانسان لانسانيته :)
دمتي في حفظ الرحمن :)
لغة العيون لغة الصدق والصراحة.. لأن الإنسان مهما كان كاذب مايقدر يخفي لغة عيونه إللي تكشف دواخله بكل تجرد.
لكن لغة العيون تحتاج من يفهمها ويقدرها.
بوست حلو :)
هالله والله بكوكتيلة كلامج كله صح بس شغله وحدة مااتفق فيها معاج "لغة العيون مو سهلة كلش
صعبه تكشفينها ,نظن ان نعرف بعض العيون بس مايكون تقديرنا صحيح
في عيون شريرة تخدع وماعندها رحمة ,بس اشوة شكلج ماصادفتي عيون جذي
منور ياطعم :)
هلا والله زيد ,لأ زيد مو كل العين صادقة بعض العيون متمكنه بالكذب والخداع وصعب علي اي شخص يفهمها
العيون تعكس ارواح اصحابها,اذا الروح شرشرة شتتوقع من العين ؟
منورنا دائما وابدا :)
أكيد للعيون لغه ولغتها عالميه ونتعلمها بالممارسة وقد تكون اللغة قوية جدا لدرجة يمكن فهمها لقليلي الخبرة بتلك اللغه.
وفي عيون كاذبه.
من أهم اللغات لغة العيون ..
في عيون تضحك و عيون تبجي و عين تبيح و عين مليانه بالأسرار و عين خاليه حايرة .. و عين تايهه ما تدري وين الله قاطها ..
وعين تامر .. و عين تنهي و عين اتبارك .. و عين اتسلم .. وعين تغتاب.. وعين تستر ... وعين تفضح ...وعين ... وعين ...
أكيد يا سويت للعيون لغة و كلامنا ثلاث أربعاه بالعيون ...
ربي يحفظج لعين ترجيج
ياهلا تحلطم ,قليل الخبرة يضيع في هاللغة ياتحلطم يبيلها ناس خبرة
منور تحلطم وحياك الله
:)
يا هلا بالجودي ,اجمعين حبيبتي
امممم باخذ عندج دورة تدريبية يمكن اقدر افك طلاسم هاللغة ,بس الاكيد انها لغة جميلة ,يسعدني حضورج :)
مساء الورد
عودة من جديد
ويعطيج الف عافية يا رب واتمنى لج التوفيق
يا هلا قانوني وعودا حميدا :)
** ماتدرين منو اللي ينن المينووون ؟ اهي لعيون
والله ياسويته العين تنطق و تفضح و تقول اللي مانبي نقوله اهي عالم بروحها سبحان الله
ياهلاااااااا هلا والله بميمة ,شلونج حبوبة شخبارج
صاجة يننت المينون ,بس شفت عيون تجذب والله يا ميمة
احلي طله وعسا دوم معانا وحوالينا
:)
عيدج مبارك يا حلوة
و تقبل الله طاعتج ..
و حاضرين بالدرس إلي تبينه ;))
للعيون لغه ~
بصراحة احسها بس ما اعرف اعبر عنها الا انها لغه لا ترجمه حرفيه لها سوى ردة فعل الاحاسيس و المشاعر ..
عيدج مبارك قلبو :**
هلا والله الجودي وانتي بصحة وسلامة ,واضح من الموضوع ان وايد ناس محتاجين دروس ,بنربحج الجودي :)
هلا قلب ,كل عام وانت بخير,كافي اذا حسيتي فيها ووصلج المعني اكبر نعمة :)
العيون تقول كل شيء
لحظة ان نعجز عن الكلام ..
وممكن أن تقول كلام اجمل من أى لسان ..
كل عام و أنتِ بخير
يا هلا فيك قوس قزح فعلا ممكن تقول كلام جميل ولكن وقت الكلام اللسان يقول كلام مختلف زمعاكس لها نصدق منو العين والا اللسان :)
يبيلنا طلعه اقولج شنو اللغة واعطيج نماذج..
:)
شرايج
موضوع مثير
واسأله مليئة بالذكاء..
على فكرة في عين تشع ذكاء..
انتي من هالعيون
الله يحفظج ويحميج
احبج:***
I just wanna say
i miss u and i miss being here in this blog
:*
حبيبتي الغالية سلة ,حددي الزمان والمكان وانا مستعد لدروس الحياة
ياربي لو الدروس كلها جذي ماجان احد كرة المدرسة ;)
ياربي يسلمج من كل شر بس لايغرج عيوني تنخدع مرات ماهي ذكية وايد علي ويها والله :)
ياهلاااااااااا وياااا مرحباااااا
بنت بطنها جد جد مفاجاة حلووووووه
مشتاقين والله بشرينا عنج ,شلونج وشلون امورج ولكم باك يابنية وياااااااا كبرها فريتج :)
تدوينة مميزة
شكرا جزيلا لك
مصمم مواقع انترنت محترف | متخصص في تنفيذ مواقع للشركات والهيئات الحكوميه والمواقع الشخصية | تصميمات
متجاوبة مع الاجهزة الحديثة والتابلت | تصميمات احترافيه | تصميمات راقيه | تصميمات جذابه وعصرية | تصميمات ابداعيه
http://samydesigner.com
إرسال تعليق