الاثنين، 24 نوفمبر 2008

واجب



اليوم عندي واجب من الاخت العزيزة بنت بطنها
انا صراحة ما احب الواجبات مع اني اكاديميا كنت متفوقة بس مــــــــــــــــــــــا احب الواجبات .
كنت لما ارد من المدرسة العب لما اشبع تــــــــــــــالي اشوف واجباتي
العادة هذي للاسف للحين عندي ودي اغيرها وان شاء الله راح اغيرها .
يالله خلينا نبدي مع واجب بنت بطنها


بدأت تدون من إمتى ؟ ودخلت العالم ده إزاي ؟
"انا مو فاهمة ليش السؤال بالمصري يعني بتنقصوني اذا رديت بلهجة غير؟ وجم درجة ؟"

انا بديت تدوين يو م13 -7-2008 ماكان في بالي ان راح يكون عندي مدونه كنت اقرا مدونات بس ماكنت اقدر ارد لان ماعندي مدونة وبعض اصاحب المدونات النحس ما كان يفتحون المجال حق الانونمس فقلت يالله خل افتحلي مدونة خل ارد علي الي ابي
شلون دشيت هالعالم : انا قبل كنت اسمع عن المدونات وانتشارهاخاصة بره وفي فترة الانتخابات كان يتكرر اسمع بعض المدونات مثل
كله مطقوق ,وشروق بس السياسية ماتشدني ليما بالصدفة طحت علي مدونة العيال كبرت , تويته يحليلها مدونتها اجتماعية اكثر منها سياسية وتتكلم عن امور واقعية اعجبتني وايد وصرت اتابعها من عقبها علي قولتهم "I was Hooked" ,قمت احوس علي المدونات واقرا وفتحت مدونتي علشان اتفاعل مع اصحاب المدونات .


أيه كان انطباعك في البداية ؟
في الاول كنت مستانسة ,ولما اكتب احس اني سويت انجاز لاني بصراحة مو شاطرة بالتعبير عن افكاري ,تالي حسيت اني توهقت
ياربي الناس كل يوم كاتبه بوست وانا @@ ,بس بعدين خذيت الموضوع بساطه وكل ماقدرت نزلت بوست .


من أكثر شخص بتهتم بتعليقه على ( بوستك ) الجديد ؟
الكل فيهم الخير والبركه ,واستانس من التعليقات سواءا سلبا او ايجابا لان اتعلم منها صراحة .


ما هو أهم شيء تعلمته من عالم التدوين ؟
ان حتي لو محد يعرفني لازم احترم عقول الناس الي تقرالي واتعامل معاهم بعداله وانصاف.
كلمتي اذا طالعه من القلب راح توصل وراح يحس فيها الي يقرا حتي لو مايعرفني ولامرة شافني .


ما هو أكثر شيء كرهته في عالم التدوين ؟
المدونين الي يستخدمون مدوناتهم للتطاول علي الناس او المقدسات.


هل تشعر أن التدوين له تأثير؟
اذا كان القصد التاثير علي المحيط فاكيد ياثر, الكلمة تاثر سواء كانت في جريدة او مدونه .
اما اذا كان القصد تاثيره علي فخلاني الاحظ شغلات ماكنت الاحظها من قبل , انتبهت لها من بعض المدونين .


تهدي ( التاج ) ده لمين ؟
ااااااااايه التاج باهديه حق
the boss
365
londony

في النهاية مشكورة يا بنت بطنها علي الواجب اممم الصراحة حسيت جنه لقاء صحفي وانا صباح P:
بس رجاااااااااااااااااااء حااااااااااااااااار للكل لااااااااااااااااااااااا احد يدز لي واجبات ما احب الواجبات :"(
والله احب اكتب علي راحتي لما اسمع كلمة واجب احس ايديني مربطة "يعني حالتي تصير كسيفة "يرضيكم يعني

هناك 17 تعليقًا:

ابو لطيف يقول...

بالتوفيق

انا مطلوب .. ومنحاش

جني راح آخذ نسخة منج

حفظك الله ورعاك

Sweet Revenge يقول...

هلا والله ابو لطيف ,واول واحد بعد :)
لا انا امتثلت لنداء الواجب انت بعد لازم تمتثل لا مفر .

charisma يقول...

هههه يحلوها الى حلت الواجب
شااطره

:**

استمتعت وانا اقرى واجبج :))

ما ادرى التدوين يصير ممتع اذا ما فكرتى فيه خلييه بشكل عفوى احساسج بكل يوم شى مريتى فيه ما تبين تنسينه ذكرى حلو
مودج يعنى جذى خلييج مرتااحه وانتى ادونيين بتلاقين كل يوم ودج تكتبيين

Manal يقول...

موفقة في عالم التدوين

حل الواجب حلو

خفيف

:)

صبا يقول...

يا عيني علي الصراحه


برافو أديتي الواجب علي اكمل وجه


وانشالله تستمرين بعالم التدوين

:**

Sweet Revenge يقول...

استاهل نجوم صح p:
صاجة وحسيت هالشغلة مرات بس خلاص لازم اكتب الي حاسة فيه ,ماكو احلي من العفوية
مشكورة وماتقصرين يا كاريزما مننحرمش من الطله العسل :)

Sweet Revenge يقول...

حل الواجب خفيف منال يالله شرايج تحلينه ;)
منوره يا منوله

Sweet Revenge يقول...

هلا والله بصبا وان شاء الله استمر بمساعدتكم وتقديركم
ماتقصرين علي المرور حيـــــــــاج:)

أسرار رجل يقول...

حلوه مدونتك

وشطوره لحلك الواجب

gawga3a يقول...

والله الواجب موصعب حلو وسهل :)

Sweet Revenge يقول...

هلا والله اسرار رجل
حلت دنياك يارب ومشكور علي المرور:)

Sweet Revenge يقول...

هلا والله قواقع وينج غاطه مشتاقين ;)

elq87obi يقول...

صباح الورد

سويت

موفقة بعالم التدوين :)

و زين حليتي الواجب عشان ما ينقصونج لوووول

سلامي لج :)

Sweet Revenge يقول...

هلا والله "الكويت حبي"
اجمعين يارب :)

THE BOSS يقول...

و الله اخجلتيني
و التاج ما يركب الا على رأس اميرة مثلك


أهب الثناء لمجد بيتك طائعا وأبيعه لسواك بيع المكره
مدح الجميع موجه ومديحكم
في الصدق والإخلاص غير موجه
أفواه أهل الفضل ناطقة لها بالفضل إن قيست بشعر الأفوه
وإن العقول لهت لها فلأنها
محمية عن كل معنى لهله

مشكورة يا عزيزتي
وعطيج 10 من 10
:)
وعطني ولعه

طلبتك لاتحاكيني يقول...

شطوره ههههـً

اجوبتك عفويه وحلو انو الواحد يكون عفوي

موفقه حبآبه

محبتي

Sweet Revenge يقول...

هلا والله طلبتك

الله يارب بيوفقج ويسعدج
مشكورةعلي طلتج نورتينا :)

خلفية

Leelou Blogs