الخميس، 18 ديسمبر 2008

مدهش!!!!!



السلام عليكم شلونكم مدونين شخباركم


ان شاء الله استانستوا بعطله العيد


بالنسبله لي امل من العطل الطويله بس هالمرة كانت غير ارتحت وايد بالعطله كنت محتاجتها بمعني الكلمة والحمد لله
___________

وحدة من صديقاتي لها سفرات متكررة لدبي وماتنسانا من الصوايغ , مرة من المرات اسلتني شنو تبين من دبي؟ قلت لها ,ابي مدهش


ابي مدهش نفسه بالحجم الطبيعي P:.


ماكنت ابي اكلف عليها شي بس يمكن هذا اول شي طرا علي بالي لما سالتني .


مدهش ,اظنتي اختيار الاسم ماكان من فراغ ,فكل شي في دبي مدهش .


كل شي وصلتله دبي مدهش .


بس رؤيه محمد بن راشد, حلمه بالنسبه لي اهو الشي المدهش الحقيقي


دبي كانت سبخات قبل واليوم تنافس مدن عالمية .


تجرأ بن مكتوم ان يحلم وحقق حلمة .


"حنان" كان عندها حلم طلب منها زوجها انها تتخلي عنه وتتفرغ للبيت وبعد 16 سنه تركها ,تعبتني دموعها وهي تتكلم عن حلمها الي كان مفروض يكون لو ما .


"جميله" همن كان عندها حلم بس تخلت عنه بارادتها لان ماتبي تتعب علي متطلبات حلمها الي محتاج شغل وجهد كبير وتركته.


امس بالصدفة كنت اشوف برنامج مسابقات للمواهب ,ناس عندها مواهب تعرضها للجمهور والجمهور يقرر الفائز .


بعض هالمواهب كان مضحك ومحرج حتي بس اعجبتني شجاعتهم للسعي لاحلامهم للنهاية حتي لو معناه ان راح يحطون أنفسهم في موضع سخرية وضحك .


عندي وايد كافي ان اسعا لاحلامي بكل طاقتي وابذل مجهودي كله علشانها ,قدرت احققها او ماقدرت احققها هذا علمه عند رب العالمين.


بس اكيد راح ادخل نادي اصدقاء مدهش ,الاصدقاء الي لهم الجرأه علي الحلم .
رسوم الاشتراك :حلم من اختيارك .
نبي نشوفكم معانا :)


ونشوفكم علي خير :)

__________


سبخات : أَرْض ذات ملح ونزٍّ لا تكاد تُنبتُ




هناك 32 تعليقًا:

-mate يقول...

أقول، إشرايج نعطي محمد بن راشد الديرة 5 سنين فقط يعدلها لنا؟

vancouver يقول...

صدقتي يا سويت

دبي مبهره وحلوه
بس ترى للسياحة فيها
مو الاقامة

يعني جان زين نطبق محاسنهم
بالتخطيط السريع
والتنفيذ الاسرع
بس
مو بنفس شكل الانفتاح
الغريب وتسييد الاجنبي على الاماراتي


بالنسبه للاحلام
خليييييني ساااااااكته
احلامي كانت وايده
وااااايده
الحمدلله اهمها حققته بس
كثير منها اجلته ولازلت ماجلته


راح اقولج واحد منها
اتمنى انه تكون عندي ورشة
ورشششة بمعنى الكلمه
اشتغل فيها بايدي واصمم
مجوهرات
احب الاحجار الكريمة وااايد
هذا حلم صغيرونو من سنوااات وسنواات
واللي عندي كثيييير


هاعسى دفعت الاشتراك كامل
D:

Sweet Revenge يقول...

لووووووووول تهقي مايتنيحس ويقول مالي شغل فيكم

تري اكو من طقته عندنا بس مايعطونهم ويه

منور بطلتك الاولي وعسا مو الاخيرة :)

بس ماقلتلي ناوي تدفع الاشتراك ولا

Sweet Revenge يقول...

اوه الاقامة الله لايوريج غلاء مو طبيعي وزحمة هم مو طبيعية ,ما ادري شناوين عليه الجماعة .
صدقيني السالفة محتاجة بس قيادة ونظرة واضحة للمستقبل بس ماكو مشاكل كبيرة بالكويت "مقارنة بدول ثانية" شويت ترتيب للاولويات .

حلو الحلم الانسان الي ماعنده حلو بالنسب لي مو عايش اهو والاموات واحد
خططي لحلمج من الحين ,ماعندنا مصممين مجوهرات وايد خططي ابدي صدقيني وبدون مبالغة راح تشوفين بيبان تنفتح من وين ماتدرين بس تنفتح .
بس انتي ابدي حتي لو بس تفكير ماتدرين
شنو ناطرج
بس خل حلمج حي وبتشوفين ان شاء الله
الاشتراك اكيد مدفوع بس عاد لي فتحتي الورشة ابي الماسة صغيييييييييييرة علي قدي حلمي مجكنم :)

ابو لطيف يقول...

وفقا للتقارير الاقتصادية الاخيرة

قد يتحول مدهش

هناك قروض بمئات (وليست عشرات) المليارات

ووفقا للاوضاع الاقتصادية الحالية ..فلا يعلم ما ستؤل اليه الامور الا الله

نسال الله ان يلطف بنا وبهم وبالجميع

حفظك الله ورعاك

أتيت متاخرة يقول...

من أحد أحلامي يا سويت
أني أدرس تصميم داخلي وتصميم حدائق ... لأني أحب التصميم
وأحس أني باخذ هالخطوة جريب

صبا يقول...

مساء الخير


دبي حلوه للسياحه فقط

كل احلامي تحققت ما عدا حلم وااااحد



الأمومه ومن بعدها يمكن انسى الدنيا وما فيها

:)))


وحتى بلوقي أسكره
ودوامي أعطيه طاااااااف

:)

AK-47 يقول...

انا عندي حلم بس تحول الى هدف وانشالله اوصله
خوش بوست ودبي ترى دار الحي :)

THE BOSS يقول...

الاحلام المصحوبة بالارادة و الاصرار و العمل تتحول الى واقع

فلا يأس مع الحياة

وعطني ولعه

LonDonY يقول...

سويت الخير

بهالدنيا

مافي شي ماله مقابل

عشان تاخذين شي .. لازم اتنازلين عن شي

آخر



هاللي نشوفه في دبـي

يقابله الكثير من التنازلات

واللي اهل دبي مو قابلين فيها


بالنهاية، ما اقول ما اتمنى ان نكون

مثل دبي.. بس بشرط ان محد يلوي ذراعي

و " لا " اجبر على التنازل عن قيمي

ومبادئي كرمال ناطحة سحاب ومطار

يديد وعدد من المولات والفنادق

مجرد وجهة نظر :)

Sweet Revenge يقول...

التقارير الاقتصادية هالايام صج تخرع قمت اخاف اقرا الله يلطف بالجميع .
بس ابو لطيف ماقتلي ماعندك احلام :)

Sweet Revenge يقول...

اتيت متاخرة ,شدي حيلج اهي دايما الخطوة الأولي تكون صعبه تالي كل الامور تتيسر .
سعيدة بحضورج والله :)

Sweet Revenge يقول...

يارب يا صبا يحققج هالامنية الغالية
فعلا حلم الامومة حلم رائع ,بس شدعوة عاد بتهجرينا كلنا علشانه اخذي اجاوة امومة 6 اشهر وردي لقواعدك
منور يا جميل :)

Sweet Revenge يقول...

هلا والله ak-47
ان شاء الله تحقق كل امانيك واحلامك
بس عاد ماتقولنا شنو حلمك ؟
وماتقصر علي تشجيعك الدائم :)

Sweet Revenge يقول...

كلام صحيح 100 % ,احلامك بوس ماكو ولعة قبل الحلم :)

Sweet Revenge يقول...

هلا والله لندني
لما بديت كلامي عن دبي استخدمتها كمثال لواقع يوم من الايام كان حلم
شي اكيد اي عمل ناديه في سلبيات وفيه ايجابيات بس اني اتنتزل عن قيمي ومبادي للوصل لاحلامي هذا شي ماتنمناه ابدا لا لي ولا لاي احد لان الي يخسر نفسه راح يكون خسر كل شي
ابي اوصل بطريقة صحيحة حتي لو الطريج اطول شوي بس بدون خسارتي لنفسي هذا النجاح الحقيقي
وعساك سالم من كل شر :)

حسافتج يا كويت يقول...

عطينا مدهش خل ندهش فية حكومتنا

Sweet Revenge يقول...

حسافه :نسيت اقولك رفيجتي مايابتلي اياه تقول طلع وزن زايد وخلته عنده
طلع ثقيل ويبي رياييل تشيله ,ها ترشح احد يروح ايبه :)

أسرار رجل يقول...

مدهش
تلك العبارات التي سطرتيها
فعلا ما قيمة الشخص دون حلم
ان لم تكن لك ارادة فأنك تابع لأرادة شخص آخر

" حلصتي على مدهش و طنشتك ربيعتك ":-)
دمت بحب
وحفظ من الله

Sweet Revenge يقول...

ان لم تكن لك ارادة فأنك تابع لأرادة شخص آخر


صدقت ,اذا لم نكن نعملل تحقيق أهدافنا الخاصة فنحن سنعمل لاهداف الاخرين

منور بطلتك علينا :)

kuwaitawy يقول...

دبي خوش


بس محمد بن راشد مو خوش




كلش كلش مو خوش

Sweet Revenge يقول...

كويتاوي: بغض النظر عنه الي سواه مو عادي
انا ما ادافع عنه بس المسأله كلها كنت ابي مثال واضح
ولو تشوف التاريخ وايد ناس اصنعت انجازات عظيمة واهم ناس مو خوش ;)

Fskra يقول...

alah kreem :)
tfa2lo

Sweet Revenge يقول...

لاحظة الجماعة طايحينله تحبيط
اي يبا حلم حلم :)خايفين تحلمون
وانت فسكر "صح جذي اسمج" شنو احلامج .

أحمد الحيدر يقول...

جميل أن يحلم الإنسان ..

وجميل أن يسعى لتحقيق أحلامه ..

والأجمل ألا يياس عندما لا يحقق بعضها ..

ودبي تمثل نموذج صارخ للتطور العمراني والترويجي .. وأشدد على العمراني والترويجي ..

يستاهلون كل خير أخوانا الإماراتيين والله يزيدهم من نعمة ويوفقهم ويحط بقلب حاكم دبي يعطيهم أسهم من شركاته اللي تملك الإمارة :)

Sweet Revenge يقول...

احمد
والأجمل ألا يياس عندما لا يحقق بعضها ..

بالضبط الاحلام مالها نهاية واسعي لتحقيقها ماتمت اسعي للوراه.

مشكور احمد علي الزيارة ومرورك ماتقصر شرفتنا :)

Fashionista يقول...

خوش بوست

تصدقين ما عندي وايد أحلام

أحلامي على قدي

انتي ما قلتيلنا شنو أحلامج؟

.....

كلام لندني وايد عجبني

ماكو شي ايي اب بلاش

Sweet Revenge يقول...

فاشنست "صح جذي؟": المهم عندج احلام ,مااتخيل انسان ماعنده احلام .
انا احلامي الله يسلمج وايد بس في هالمرحلة اتمني ازيد من معلوماتي في مجالي الفني واكون احسن وحدة فيه ,واني ابني اسرة سعيدة وسلامتج وتعيشين .

---
لندني بعد من يقايش معاه ;),وكلامه عين العقل احلامنا محتاجه جهد منا علشان تتحقق .
منووووووووووووووووره وعسا لاننحرم منهالطلة الحلوة :)

صبا يقول...

كل عام وانت بالف خير وصحه يارب
وانشالله تكون سنة خير وحب وتفائل عليج وعلى من يعز عليج يارب

:***

أبو لطيف يقول...

جعل الله كل ايامك عامره بالخير والمسرات

حفظك الله

Sweet Revenge يقول...

صبا :امـــــــــــــين واجمعين حبوبة

Sweet Revenge يقول...

عسا كل ايامك نور ودروبك سرور
ويارب تكون هالسنة وكل سنة خير وصحة وعافية عليك يا ابو لطـــــــــــيف
:)

خلفية

Leelou Blogs