الخميس، 22 سبتمبر 2011

يوم ميلادي

السلام عليكم :)

شنو اليوم من الايام ؟ , يوم ميلادي المجيد 22/9


يمر علي برهبة وخوف


ايام تمر فيها الحلو وفيها المر


سعيده بالي مضي ومترقبه للقادم


رهبة من احلامي الي تنتظر


ودعوة لرب العالمين ان يحققها لي كلها واكثر


قصيدة جميلة لخالد الفيصل ليوم ميلادي




يمرني كل عام يوم ميلادي
يوم أعرفه ويوم انسى مواعيده



يمرني وانتبه للغايب البادي
واهوجس بحال غيري من مواليده



أرتاع وارتاح له .. يفرق وهو عادي
ينقص من العمر عام في ضحى عيده



أناغم الحرف ذا باكي وذا شادي
وارسل مع كل دمعه وجد تغريده



ياوابل الغيث كان الحظ به جاد
يزهر حياتي نداه وتزدهر بيده



ياركب الايام معك العمر ينقاد
كم ليلتن وسدتني فيك تنهيده



ويارحلة العمر في صحوات ورقاد
ويارعشة الجفن في غفوه وتسهيده



في لحظة العمر تسري فزة فوادي
لحظه وفزه وباقي العمر ترديده



اللحظه الماضيه ما عاد تنعاد
والقادم من العمر باالغيب تفنيده



ثلاثة ايام للرجال يا هادي
يومين دنياه ويوم البعث تخليده



اشوفكم علي الف خير ;)


هناك 20 تعليقًا:

MakintoshQ8 يقول...

Happy Birthday hope all ur wishes comes true :*

ميمة السبيت يقول...

** كل عام و انتي بخير و عسى الله يحققلج كل امنياتج يا رب اللي في بالج و اكثر و انشالله سنة خير عليج

رورو الشخبوطه يقول...

كل عام وانتي بخير ..

ولعمر كله و يارب تكون سنة خير عليج :*

STeVe يقول...

كل عام وأنتم بخــير ورضا وسعادة



عمر جديد وحياة جديدة ..


فلتبدؤوها بدعاء خالص النية


موفقين

may يقول...

العمر كله يارب

جعل الله أيامك كلها سعادة ورضي عنك وأرضاك..

سلة ميوّة يقول...

كل عاااام وانتي بخييير :*******




لازم نحتفل وناكل كاكاو:))





عسى ربي يديم ايامج كلها افراح
ويحقق لج كل امانيج
وعساها سنة سعيدة ومفعمة بالحب والانجاز



حبي:***

الجودي يقول...

سوووووووووووووووووووووري إشلون ما انتبهت ...

كل عام و إنت بخير و كل عام و إنت أقرب من تفكيري .. وكل عام و إنت بينا أحلى مدونة.. نستمتع بأفكارج ...

وربي يحقق لج كل أمانييج و يوفقج حبي

سوري على التأخير ...

و إن شاء الله يكون مر عليج يوم مميز استمتعتي فيه ..

:***

Sweet Revenge يقول...

مكنتوشةاللـــه اسمج يشوق مشكورة ماكنتوشة علي التهنئة ومنورتنا دوم يارب :)

Sweet Revenge يقول...

ميمة عندنا يامرحبا يامرحبا اين انت يابنية غاااااطه ولا لج اثر
كل يوم بسوي عيد ميلاد علشان تطلعين
وانت بخير وسلامة ,امين واجمعين يارب :)

Sweet Revenge يقول...

رورو ملكة الاناقة وانت بخير وصحة وعافية ,استوحيت منج بعض الافكار ودلعت نفسي بعيد ميلادي خليته اليوم خليته ويك اند كامل :)

Sweet Revenge يقول...

ستيف وانت بخير :), قبل عيد ميلادي بيوم زميلة توصيني بالدعاء لما اتمني
وانت اليوم توصيني بالمثل
تمنيت ودعيت واليوم ادعي "الله يحفظ لي كل القلوب الطيبة الخيره "

اين جديدك ياستيف ؟

Sweet Revenge يقول...

ميونة وانت بصحة وعافية ياحلو هالدعاء الطيب امين واجمعين ياكتكوتة :)

Sweet Revenge يقول...

سلة يا سلة بنغير اسمج من سلة ميوة الي سلة كاكاااااو
ياختي لاتوصين حريص الكاكاو بكل حزة وكل وقت بس معاج طبعا غيرررررررر
تسلمين لي يارب وكل عام وانت معاي :)

Sweet Revenge يقول...

هلا والله الجودي , شدعوة جودي شوفي انا عيد ميلادي 3 ايام بلياليها وماعندي مانع اسحبه لي الشهر الياي :)
تسلمين لي يارب من كل شر ويديمكم معاي وحوالي اعوام واعوام.

Seldompen يقول...

كل عام وأنتِ الخير

=)

أدام الله السعادة على قلبكِ ,
ورزقكِ في عامكِ الجديد ما تتمنين

يارب ..


أرق تحية لكِ ..

Sweet Revenge يقول...

حبيبتي فاطمة شكرا لك من القلب :**
اخجلتيني والله ,كل عام وانتوا معاي والله لايحرمني من القلوب الطيبة مثل قلبك

قلب طفله يقول...

كل عام و انتي بخير سويته و لو انها متاخره عسى هالسنه خير و سعاده عليج يا الغاليه :***

Sweet Revenge يقول...

حبيبتي قلب الكلمة الطيبة مالها وقت يسعد ايامج ويخليج يارب :)

عازفة الالحان يقول...

مُسآئك فُرح

كُل سًنة وانتي من نجآح إلى نجآح أخر

ربي يوفقكْ

دمتي بخير

Sweet Revenge يقول...

ياهلا ويامرحبا بعازفة الالحان منوره بطلتج الاولي ويارب مو الاخيره
امين واجمعين يا عازفه,شكراااااا :)

خلفية

Leelou Blogs