الجمعة، 8 أغسطس 2008

خايفة!


كل ما حاولت اكتب ما يطري علي إلآشي واحد "الخوف" , وانا في اول بوست قلت ابيها واحة لي ولكم بس مسيطر

علي هالاحساس بطريقة غريبة ,خايفة من كل شي.

من واحنا صغار تحذيرات الوالد والوالدة خاصة من كل شي ومن اي شي يمكن اهي الي زرعت فيني هالاحساس الي ما

احبة , ما احب اني اخاف ودايما احاول اتخلص منه , شفت ان افضل وسلة للتخلص من احساس الخوف ان اسوي

الشي الي انا اخايفة منه ,اذا خايفة من البحر ادخل فيه "تري صج احب البحر بس اخاف منه لوووووول"

هذا اذا كان مصدر خوفي شي محسوس , اما اذا كان شي مو محسوس مثل المستقبل "ومنو ما يخاف منه "افكر بربي

واشلون ان ثقتي فيه راح تعديني لبر الامان .

بس فيني خوف مو عارفة اتخلص منه للحين ,يمكن هذي المدونة تساعدني اتخلص منه اخاف اتكلم عن نفسي

اول مرة سمعت فيها عن المدونات وماهيتها قلت في نفسي "اكو واحد عاقل يتكلم عن نفسة اما الملأ وفي النت

"بالنسبة لي كان ضرب من الجنون "نوعي متحفظ جدا بما يخص حياتي الشخصية واتضايق عن الي يسالني عن

نفسي حتي لوكان سؤال بسيط مثل نوع قهوتي او لوني المفضل يمكن تكون مبالغة مني بس هذا طبعي وشفت من الايام

ان كل ما قلة المعلومات الي تكشفها عن نفسك كان اسلم واحفظ

ومن خاف سلم .

"مو اقولكم خوافة :)" ماكو فايدة , بس الحين عندي استعداد ان اتشارك معاكم في بعض الاشياء مو كل "بعض "

واتمني اكسبك اخوان وخوات لي .



هناك 19 تعليقًا:

Amphibious يقول...
أزال المؤلف هذا التعليق.
Amphibious يقول...

نتشارك بالآراء والأفكار كافي
الشغلات الشخصية لها حدودها
ومثل ما قلتي كل ما الواحد صك حلجه احفظله
ويلا نبي منك بوست حلو :)

Sweet Revenge يقول...

تسلم ak-47علي الطله الحلوة
نورة المدونة

charisma يقول...

:)))
من خاف سلم صح انا معاج بس مو فى كل الامور
لازم اتشيلين الخوف من بالج الحياه تحتاج انج تكونين قويه مع نفسج عشان اتواجهينها بدون خوف

شوى شوى وبتلاقين نفسج نزعتى الخوف من روحج :)

واحلى ما فى المدونات التواصل والتعارف بتحسين نفسج بين خواتج واخوانج بتعلمين وايد وبنتعلم منج بعد
:*

Sweet Revenge يقول...

هلا والله كاريزما نورتي
ان شاء الله اشيل الخوف من داخلي بس شوي شوي
وحياج الله في مدونتي :)

غير معرف يقول...

مرحبا :)

عزيزتي كلنا نخاف من الورقة البيضاء و مسكة القلم ... طبعا قيسيها على الشاشة الفاضية و الكي بورد :)

لكن خطوتك رائعة و أتمنى تكملين :)

غير معرف يقول...

مرحبا :)

عزيزتي كلنا نخاف من الورقة البيضاء و مسكة القلم ... طبعا قيسيها على الشاشة الفاضية و الكي بورد :)

لكن خطوتك رائعة و أتمنى تكملين :)

غير معرف يقول...

مرحبا :)

عزيزتي كلنا نخاف من الورقة البيضاء و مسكة القلم ... طبعا قيسيها على الشاشة الفاضية و الكي بورد :)

لكن خطوتك رائعة و أتمنى تكملين :)

Sweet Revenge يقول...

هلا والله تسنيم ,دايم المساحة البيضاء والفراغ مزعج ونحب نعبيه باي طريقة
هالتعبأه عاد يا تكون لنا او ضدنا
والحرص واجب
شرفتيني بالطله الحلوة وعساها عادة ماتنقطع :)

Barrak يقول...

اتركي عنك الخوف
وشللي بحروفك

الخوف ماله داعي في عالم المدونات
دامك مقتنعه بمواهبك ومرتبه افكارك

ومتوسده بصدقك

لايهمك احد

لاتخافين
واحنا معاك

Sweet Revenge يقول...

تسلم براك ,اسعدني مرورك :)

gawga3a يقول...

تقدرين توخرين الخوف منج .. طبعا لازم اتعودين نفسح .. قعدي بينج وبين نفسج .. سئلي نفسج هل هالشي يخوف ؟؟ راح تلقين ان لأ . فمالاداعي للخوف

بـنـت بـطنـهـا يقول...

أفا وين ردي
أول ما كتبتي هالبوست وين راح :(
سويته لي متى خايفه ؟؟
يالله عاد ناطرين بوست يديد

Sweet Revenge يقول...

قواقع :الصراحة وايد شغلات لما افكر فيها احس خابه روحي علي الفاضي
والدنيا سهالات بس ان شاء الله اتخلص منه للابد
شاكرة مرورج نورتينا :)

Sweet Revenge يقول...

بنت بطنها :فشلانه منكم والله ما اعرف حق المدونات للحين وفي بعض التعليقات راحت او انمسحت ما ادري \:
علي العموم حياج الله ,المدونة مدونتج وان شاء الله البوست اليديد عن قريب

LonDonY يقول...

عيل بهديج نصيحة اوريجنال

يقال إن هبت أمراً فقع فيه ، فإن لشدة إتقائه لشر من الوقوع فيه ...

ياما تحسفنا على الامور اللي حسبنا لها حساب .. وطلع ماكو شي بالنهاية
وتالي عرفنا ان الدنيا ما تستاهل كل الخوف

سلامااااات ومعافايه على قولة >>
تيـم :)

chــاي أخضر يقول...

شوفي الشي لي زاد عن حده انقلب ضده

الخوف شعور طبيعي .. بس لا يزيد ويتملكنا



خطوة حلوة منج انج اذا خفتي من شي تقدمين عليه على طول

مثل مايقولون " الكلمة اللي تستحي منها بدها" يمكن ماله شغل بس هذا دليل على ان الشي اللي صعب عليك قط روحك فيه على طول .. لانج لمن خفتي كنتي مو مجربه وتصورتي فكرة من نفسج

لكن مجرد التجربة تغير نظرات كثيرة وتزيل مخاوف

ويمكن تكونين عندج قوات مبدعة كثيرة خسرتيها بـ لحظات الخوف ^_^


نهاية البوست قلتي الحين عندي استعداد


يعني نسأل؟؟P; ترا أحب التحقيقات Pp;


الله يحفظج ويوفقج

Sweet Revenge يقول...

هلا والله لندني ,اكتشفت هالحقيقة لما كنت اجبر نفسي علي الوقوع في امور كنت اخاف منها والمساله بالتعود
حياك الله في مدونتي ,شكرا علي المرور:)

Sweet Revenge يقول...

هلا والله بالصحة والجمال شاي اخضر خوش نك والله
الخوف مرات يحرمنا من اشياء ومن ناس بمجرد ماتحطينه وراج ينتهي وتتسهل الامور
اممممم تبين تسالين
بجاوب امري لله ,والي اطوفه طوفيه لي
اوكي :)

خلفية

Leelou Blogs