الثلاثاء، 9 سبتمبر 2008

أحب رمضان

السلام عليكم ,شلونكم وشخباركم

شلونكم مع رمضان وليالي رمضان

أحب رمضان واشتاقله ,احب ايامه ولياليه .

احب الجمعات والزيارات في رمضان.

احب الروحانيات العالية الي تكون في كل مكان.

احب اقبالنا علي الطاعات اكثر في هالشهر .

احب التراويح والمصلين والمساجد المليانه "وعسا دوم مليانه" .


احب الامهات الي ياخذون بناتها للصلاة ويعودونهم علي حبها .

احب اصوات المآذن ,والاما م الي يقرا القران "بعض المساجد ماتسكر المكرفون وهذا يعطينا احساس

مختلف بالشهر مع ان في ناس ما يعجبهم هالشي " .

احب تجمعنا علي سفرة وحدة في وقت واحد علي الفطور.

احب كرتون" فريج" لووووووووول.

احب الدوام القصير في رمضان .

واحب القطايف والفيمتو بس في رمضان p:

وانتوا شتحبون ؟

هناك 34 تعليقًا:

عثماني يقول...

اي والله اخيتي

رمضان جميل

بس بالنسبة لي .. كان وايد اجمل و انا صغير

رمضان اول الثمانينات كان غير .. في كل شي

عسى الله يعوده علينا كل عام

Sweet Revenge يقول...

حيا الله اهل جبلة مافي شك رمضان قبل غير في كل شي
بس همن يظل رمضان
وعسانا من عواده وقوامة
فرحني مرورك

ManalQ8 يقول...

شهر رمضان من لااشهر التي تحمل كل العطاء للانسان

من الاشهر التي ينزل الله سبحانة رحمتة على عبادة

عليج بالعافية هالاحساس الحلو
والله يقدرنا معاكم
على الطاعة والدعاء في هذا الشهر

ويلم شمل الامة الاسلامية على الخير

ويجمع الاهل والعائلة في حب الله تعالى

:)

HamoOora يقول...

واحنا نحب نعلق بمدونتج P;

يعطيج العافيه

ومبارك عليج الشهر

BaNgBaNg2 يقول...

اااا.....احب اغلب الاشياء اللي ذكرتيها وخصووصا لما المؤذن يفتح المايكروفون
واحب شلون الوقت يصير مقسم ......واحب لحظات انتظار الاذان احب لما يقبل رمضان احس بالدفء معنى الجو حر بس الدفء الروحي
و رمضان لو كان شخص جان لميته حيييــل ما اخليه يروح
و واااااايد اشتاق حق جو رمضان
ويسود علي شعور بالاطمئنان لما اسمع صوت القارىء
وافضل اكله..هريس ..جريش ..تشريبه
و القطايف
وشكرا
وانشاء الله ماكون طولت عليج
:)

gawga3a يقول...

الله يعوده علينا انشاءالله .. الصراحه الايام في رمضان لها طعم ثاني وحلو :) وبالنسبه للأشياء الي احبهم .. اصوات المشايخ في العشر الاواخر وللقيمات والغبقات واليمعات وتحسون ان الجو في حب.love :)

بـنـت بـطنـهـا يقول...

احب كل شي في رمضان
كل اللي قلتيه
بالاضافة إلى تسامحي الزايد على بو اني صايمة لول
واحب اللقيمات اهم شي هههه

AK-47 يقول...

احب كل شي برمضان الا
روحة الجمعية
الزيارات تعال افتر على الدواوين واللي ما تروحله يزعل وينفس

وزحمة الشوارع :)

Mishari يقول...

رمضان يهدي نفوس
ويزيد شر نفوس اللهم كافي

الله يصلح الجميع

Sweet Revenge يقول...

امين واجميعين يارب
شاكرة طلتج الحلوة :)

Sweet Revenge يقول...

هامورة اسمج لذيذ وانا صايمة , الله يعافيج وعلينا وعليج يتبارك

Sweet Revenge يقول...

"و رمضان لو كان شخص جان لميته حيييــل ما اخليه يروح "
اي والله مانخليه يروح
تشبيهج حلو بانج بانج
حياج الله والمدونه مدونتج طولي مثل ماتبين
شاكرة مرورج منورة :)

kuwaitawy يقول...

ما اقدر اضيف اكثر من اللي قلتيه


:)


كل شي حلو برمضان :)

Sweet Revenge يقول...
أزال المؤلف هذا التعليق.
Sweet Revenge يقول...

اي والله يا قوقاع جو في حب والفة
الله يعيده علينا بالخير والبركات

Sweet Revenge يقول...

يا حلو التسامح ويا حلو اللقيمات يا بنت بطنها
منورة :)

Sweet Revenge يقول...

لا بنقصك درجة ak-47

احنا قلنا شتحب مو شنو ماتحب
بس الصراحة صاج الزحمة تطفر
شاكرة مرورك,ماتقصر :)

Sweet Revenge يقول...

سبحان الله مشاري شلون ناس تستخدم رمضان عذر لسوء اخلاقها
الله يهديهم
شاكرة مرورك

Sweet Revenge يقول...

كافي مرورك كويتاوي ,مرورك هو الحلو

THE BOSS يقول...

فل نبحث عن رمضان
وعطني ولعه

Sweet Revenge يقول...

شاكرة مرورك ذي بوس ,بس ماعندنا ولعة ممنوع التدخين عندنا ;)

أتيت متاخرة يقول...

أحب في رمضان
اللمة والقعدة مع الأهل
ويوحشني في رمضان شخص عزيز على قلبي كان أول من يبارك لي بالشهر وأول من يبارك لي بالعيد

بالنسبة للأكل برمضان ما أحب آكل الهريس
آكله بس بعد رمضان
وأهم شي التمرة وقلاص اللبن البارد ابدي فيهم

ربي يسعدج يا سويت

Sweet Revenge يقول...

يا هلا ويا غلا بأتيت متأخرة ,عاد الهريس حلاته برمضان .
اللمه واليمعه برمضان لها طعم ثاني ماينوصف .
شاكرة مرورج وربي يسعد ايامج .

Barrak يقول...

الحلو اللي برمضان


سهره لطيفه

حلوه وخفيفه

نسهر معاكم

charisma يقول...

تقبل الله طاعتج حبيبتى
ومن عواده
:)

عيدج مبارك
:*

kuwaitawy يقول...

كــــل عــــام وأنتـــي بخيـــر



وعيـــدج مبـــارك


وعســـى ايـــامج سعيــده

gawga3a يقول...

عيدج مبارك :)

Blog 3amty يقول...

أنا أحب أقولج عيدج مبارك :)

LonDonY يقول...

عسى عيدددج مبارك

وتقبل الله طاعتك ، تعودينه بصحة وعافيه

Sweet Revenge يقول...

kuwaitawy
كاريزما
قواقع
ولد عمته
و لندني وانتوا بالصحة والسلامة
وعساكم من العايدين والفايزين :)

غير معرف يقول...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية :

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - الطاقة المتجددة كبديل للطاقة النووية. فالطاقة النووية لها محاذيرها وهذا ماسوف نشرحه بالتفصيل.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

Blog 3amty يقول...

:)

لين يقول...

عجبني الموضوع :)

أحب أصب الشوربه حق بيتنا و أحب أركض ورا امي في المطبخ اعطيها التمره علشان تفطر مبجر و أحب السحور أشكالنا دايخين نتغصب الأكل بس نبي الأجر
لوووووووووول يحلوها من أيام :)

Sweet Revenge يقول...

يا هلا لين ,الله يعطيج العافية تقبل الله منا ومنكم صالح الاعمال :)

خلفية

Leelou Blogs