الاثنين، 12 يناير 2009

نبي نعيش



بائس ما يملك شي يبي يعيش يبي يكون انسان من البشر


بائس يملك كل شي يبي يجور و يملك كل البشر



ان قلت غلط

قالك نبي نعيش



ان قلت حرام

قالوا ما عليه ,هو غفور رحيم واحنا نبي نعيش



يا جماعة افعالكم دمار و خراب

مو بيدينا احنا نبي نعيش


شلون تبي تعيش علي حساب غيرك


شلون تبي تعيش بدون ادني شعور من الذنب ومسئولية


شلون تقدر تعيش وانت عارف انك ظالم ومعتدي علي حقوق غيرك


انت ماتبي تعيش


انت تبي تنهب وتكبر علي حساب غيرك


تبي تعيش بدون تعب وبدون جهد


كلنا نبي نعيش بس بنظافه بأمان وراحه بال


نبي نعيش بامان منك ومن امثالك


نبي نعيش كرماء بدون تسول


بدون طمع إلا بالي جرت فيه مقاديرنا


تبي تعيش ونبي نعيش


بس تري انت الميت واحنا الي عايشين

هناك 22 تعليقًا:

Sweet Revenge يقول...

وانت من حزب نبي نعيش :)

أبو لطيف يقول...

نبي نهج

ما خلو مكان نعيش فيه صح

والله المستعان

حفظك الله

Sweet Revenge يقول...

الاختيار اهو الي يفرق بين الي يبي يعيش والي يبي نهج
لاعدمناك يا ابو لطيف منور في المركز الاول :)

صبا يقول...

نبي نعيش بمكان نظيف مافي ريحة مكر ودنائه

نبي عالمنا صح

ملينا من الدثره


من العفسه

يعني شنو يصير لو كل واحد يرتب نفسه

من الداخل ويعطر قلبه بالحب

Sweet Revenge يقول...

يا هلا ويا مرحبا بالصبا والجمال :)
اي والله يا صبا يعطر قلبه بالحب
بس في ناس مايهمها الا مصالحها بغض النظر عن الدمار الي راح يسونه

-mate يقول...

u said:
"بس تري انت الميت واحنا الي عايشين "
-------------


mate replays
أوكي مشكورة، ايي منج أكثر

;q

Sweet Revenge يقول...

mate: العفو وحياك الله
مرنا كل يوم P:

tweety يقول...

مادري ليش الناس مو راضية تستوعب إن ممكن جدا إنها تعيش وتخلي غيرها يعيش بعد مادري ليش في فكرة مسيطرة إن الإنسان عشان يوصل ويعيش لازم يدوس على غيره ويمحيهم

AK-47 يقول...

great post
thanx :)

Sweet Revenge يقول...

الطمع يا تويتي اهو الي يخليهم يدوسون علي غيرهم للوصول
مع ان الدنيا كبيرة وتكفي الناس كلها
والارزاق في النهاية مكتوبة محد يقدر يغيرها
منوووره تويتي

Sweet Revenge يقول...

مرورك علينا اهو الي great
حياك الله ak-47 .

منطلقة بطموحي يقول...

الله يكافينا شرهم .. و يهديهم ..
الدنيا ما تستاهل هاللي يسوونه ..
فتنة ..
موضوع حلو :) قواج الله ..

أحمد الحيدر يقول...

أكل العيش صار هدف لحياة البعض .. وكأن العيش بحد ذاته ليس وسيلة لهدف أسمى ..

موضوع جميل .. إلى الأمام دائما ..

Sweet Revenge يقول...

هلا منطلقة شلونج منوووووره :)
ياريت يفهمون ان فعلا الدنيا ماتسوي بس شتسوين نفوس ضعيفة الله يهدي

شرفتينا بطلتج الاولي وان شاء الله ماتكون الاخيرة

Sweet Revenge يقول...

هدف للي ماله هدف في الحياه ,الله يهدي
ماتقصر دايم متابع تسلم :)

منطلقة بطموحي يقول...

هلا والله :) منورة بوجودج و وجود الاخوان و الاخوات :)
لا مو الاخيرة ان شاء الله ، اعتبريني زائرة دائمة لمدونتج :)
الله يعطيج العافية اختي

mellow يقول...

موضوع جميل

و ليلحين الأسباب إلي تخلي (أكبرها و أسمنها) يبوقون محل دراسة في علم الإجرام.

شلونج مع الفيلم ما شفتيه;)

Sweet Revenge يقول...

يعافيج منطلقة ماتقصرين مكانج والمدونة مدونتج :)

Sweet Revenge يقول...

لايدرسون ولا يتعبون نفسهم انا اعرف السبب الطمع ماكو غيرة .
الفلم اممممم لا للحين ما شفتن ان شاءالله بنهاية الاسبوع :)
منووووره ميلوي مننحرمش من الطله الحلوه

Barrak يقول...

نبي نعيش

الله لايغير علينا
شوفوا اللي بنيجيريا شلون عايشين

هذي تيمه يحاولون يزرعونها فينا

انتبهوا


نبي انتنفه تعبنا

بوست يعذب ويريح

Sweet Revenge يقول...

يا هلا ويا غلا براك ااااايه خليها علي الله
الحمد لله علي النعمة .
نبي راحتك يابراك والعذاب عسا لعدوانك قول امين :)

Barrak يقول...

آمين

خلفية

Leelou Blogs