2\1 ساعة
اهي بس نص ساعة
ابيها
ومحتاجتها
تعطيني وتساعدني وتحميني
استغني عنها اقدر بس راح اندم
نص ساعة بس
اهي الوقت الي محتاجته لهوايتي المفضلة
المشي
لما بديت امشي ,كنت امشي علشان
استمتع بالجو الحلو
ومع الايام شفت المشي
وايد يساعدني اهدي اعصابي
واخفف من التوتر
الي يمر علي خلال اليوم
لما دورت عرفت ان المشي
يطلق في الجسم
هرمون الأندروفين اوالي يسمونه "هرمون السعادة"
وفعلا بعد المشي تحس براحة كبيرة وهدوء
ما ابي اكثر من هالنص ساعة
توفر علي اموال
تصلح للكبير
للصغير
للغني والفقير
البنت والولد
للكل بدون تفرقة وتحيز
ما تحتاج لتحضير مسبق ولا لبس
معين ولا مهارة معينة
مجرد الرغبة والارادة للبدأ والاستمرار اكيد
نص ساعة بروحك او مع الناس
بالنسبة لي امشي بروحي و لي زملاء في الممشي
استانس فيهم بس ما اعرفهم
والصراحة للحين ماشفت ولا واحد فيهم نزل
p:
يمكن اهم مثلي يمشون لمتعة المشي نفسها
ما راح اتكلم عن فوائد المشي
لان بحث صغير في النت تكشف فوائده
متطلباتها محدودة وفوائدها كبيرة
ماتبي تركيز,استعداد او حتي تحضير مسبق
نص ساعة تكون فيها علي راحتك بدون رسميات
تقدر عليها في اي وقت وفي أي مكان
بالنسبة لي احب هالنص ساعة وانتظرها
علشان افرغ هموم يومي
تحميك ان شاء الله من امراض كثيرة وعديدة
تحسن النوم والمزاج
عجبكم الكلام؟
عيل شناطرين قوموا امشوا
اشوفكم علي خير
هناك 53 تعليقًا:
صج المشى ينشط المخ والتفكير
وينقي الدم
خلاص راح امشى من باجر
بس ابى اختار اى مكان حلو للمشى
اشرايج تنصحينا :))
أحلى رياضة بالنسبة لي ... وأهم ما فيها الحذاء المريح ليساعد على المشي بدون متاعب لاحقا .
ما ذكرتي أحلى وقت للمشي ؟
غبااااار :)
باجر أمشي انشالله :)
هلا والله قانوني :احلي الاماكن صوب البحر ,الاكواريم,شاطئ شويخ
او اي ممشي قريب منك
حياك الله قانوني وان شاء الله تستمر عليها :)
يا هلا ويا مرحبا نايكون8
صاجه والله
الحذاء المريح يساعدك علي المشي الصحيح ويخليج تستفيدين اكثر من هالرياضة
افضل الاوقات الصراحة الفجر نسبة الاكسجين تكون عالية في الجو وهدوء محد يعكر عليج
وفترة الليل بعد ال8 همن حلوه وتخف الزحمة في الممشي
شاكرة مرورج وتشرفنا بحضورج :)
لوووووول حتي لو غبار ,روحي الافنيوز وامشي فيه عوووود المجمع
لاتتعذرين بالغبار :)
منورتنا والله يا فاشنست
انا كل يوم قاعد امشي من السيارة لي البيت ومن البيت لي السيارة
كافي ؟
يا صباح النشاط كله
:)
انا عندي أزمه ابي امشي
بس مو لاقيه وقت
قلت نص ساعه لو بالبيت
وكل يوم اقول باجر
:(((
الحين لازم تشجعيني وتاخذيني وياج لان هالنص ساعه انا محتاجتها بشكل كبير كبير
ونص ساعه بالنسبه حق اليوم كله ولاشي
بس الكسل الكسل
!!
ترا ولهت عليج
:*
من احلى اللحظات في حياتي وقت الرياضة
:)
اما الركض
او الايروبكس
تسعدني
وتريحني
لا تبخلون على انفسكم بوقت خلال الاسبوع لراحة بالكم
:)
موفقة
:)
اصدقين عاد انا ما يعدل جسمى الا المشى اهو الوحيييد الى اذا هديتييه ما يعتفس جسمج منه
بس الجو ما يساعد على الاستمراار
شايفه حال جوناا :(
الحمدالله على كل حال
فريج سعود :يوز يوز عني الحين المشي للسيارة خمس خطوات سميته رياضة
جرب وشوف وصدقني راح تستانس :)
يا هلااااااااااااااااااااااااا ويا مرحباااااااااااااااااااااااا
هلا والله استكانه وحنا ولهانين اكثر واكثر يختي فريتج شكبرها ,حمد الله علي السلامة
بس لحظة لحظة اول شي الصوايغ اي مالي شغل
;)
شوفي بالنسبة للمشي انت اول شي لاتضغطين علي روحج خلج اسبوع بس 10 دقايق لما جسمج يتعود وكل شوي زيدي
لي ما توصلين للنص ساعة
انت راح تشوفين روحج اطلعين وقت من تحت الارض علشان هالنص ساعة
وتري تكفي حتي مو شرط كل يوم لو 3 ايام بالاسبوع كفاية
عاد عندي مكان حلو وهادي للحين ماطاحوا عليه الناس اخذج معاي افا عليج ,بس انت جهزي نفسج :)
صاجة منال الرياضة في العموم تفيد الانسان بطريقة ممتازة
الركض وايد حلو خاصة عندكم بلندن يالله من فضلك الجو جميل سبحان الله نفس جو الكويت :)
والايروبكس ما جربتها صراحة
اجمعين يارب حبيبتي ويوفقج ويسعدج:)
يا حلو هالي كاشخة بالاحمر والابيض
يا مرحبا كاريزما شلونج
فعلا من مميزات المشي انه ما يرهل الجسم اذا تركتية وما يطلع عضلات
وتقدرين ادخلينه بانشطتج اليومية بسهولة
اما اذا علي الجو انا احلها لج
روحي امشي بالافنيوز ماشاء الله شرح وكبير ووايد ناس اشوفهم يمشون فيه
جربي وما راح تندمين ان شاء الله :)
بوست رائع
يعطيج العافية
الله .. الصراحة خوووش كلام
انا أايدج قلباً وغالباً
ولازم كل يوم امشي
لأن المشي يعني صج صج يجدد كل شي بداخلك
:)
المشي ينظف الجسم من السموم والهموم
:)
شخبارج مع الممشى ...بس
صج زين تسوين احلى من هالرياضه مفيش
انا عكسج احب اسبح اغيب بالحوض
يا سلاااااام صج متعه
:))
بوست كله طاقه ايجابيه
والاكسجين عندج صااافي ونظيف
والله يهنيج بكل خطوه
:***
طلتك اروع ak-47
ماتقصر علي المرور والتشجيع :)
قلبا فهمناها غالبا هذي شتطلع p:
يقولنها "قلبا وقالبا" وحتي هذا انا مو فاهمة معناها بس اهم يقولونها جذي
;)
التزم بالمشي وراح اتشوف نفسك مرتاح اكثر وذهنك اصفي ,وادعيلي ;)
اهلين ومرحبتين صبا تصدقين ودي اتلعم السباحة بس اخاااااف من الماي ما ادري ليش من احط راسي داخل الماي احس بموت
السباحة تحرك عضلات الجسم كله همن وايد مفيدة عليج بالعافيةومنورتنا دوم صبا :)
اختنا العزيزة
تسلمين على نصيحتج الحلوة لاختيار مكان المشى
صج ممشى شاطيئ الشويخ احلى مكان على البحر
تحياتى
صار لي 5 ونص ..امشي..اركض..انط..
من كرشت النادي عافني ...
يبون واحد جسمه رياضي :)
اقصد 5 اشهر:)
حياك الله قانوني ,ويالله شد حيلك واستمر نبي نشوفك سنبتيك علي اخر الشهر ;)
ابو سعد النادي الي عافيك ولا انت الي عفتة :)
بالنسبة لي ما احب الاماكن المغلقة احب امشي بالهوا ,جرب المشي حلو واشرب شاي اخضر يطير الكرش ;)تلاحقها قبل لايفوت الاوان :)
شوقتيني ابي امشي :)
تصدقين
كل يوم بالليل
اتشوق امشي
بس اتعييز
واقول باجر
ومادري متى ايي هالباجر
:\
لبسي هدوم الرياضة وطلعي امشي الجو عجيب للمشي :)
شرفتينا بالزيارة ,عاد سامحينا مستقبلينج بملابس الرياضة :)
لاتقولين باجر
قولي اليوم بمشي وجهزي نفسج
صج وناسة والجو حده عجيب ,وجربي وراح تستانسين اكيد
نورتينا وشرفتينا :)
يمدحونة حق الكرش
صحيح كويتي تنزل الكرش للعنده كرش طبعا
شفتنا بطلتك الاولي :)
الرياضه بانتظام
فيها راحة نفسية سحرية
ليش تخافين؟!!
تدرين السباحه اسهل رياضه
وونااااسه واذا الماي باااارد
الله شي .....
حاولي اول شي بالحوض العادي
ما يكون عميق ....اشوي اشوي راح تتعلمين والله العظيم من تتعلمين راح اتحسين بفرق والماي يغسل القلب
وينشط ونااااااااسه
حاولي
:***
كويتاوي رياضي قديم شكلك ;)
صبا :عاد صج ودي اتعلم السباحة وكنت ادور علي اماكن زينه تعلم امدحولي كلية التربية بس للحين مترددة من ادخل راسي داخل الماي احس بموت ,شوقتيني عليها :)
الله يهديج بهالغبار وين الواحد له خلق يمشي :))
صحة وعافية انشالله :)
كتبته قبل الغبار انت ياي متاخر بس همن حياك الله ;)
والغبار مو عذر امشي بالافنيوز ماكو غبار هناك :)
إيه و الله يبيله مشية بس هالجو لا إله إلا الله
موقفة اشتراكي بالنادي و قايلة ببتدي فيه شهر 3 و بخاطري أرده من ألحين بس هالعيز و الكسل.
مالي خلق كل يوم أزهب الجنطة و أطقها طريج لين فلكس و أبدل هدومي و ألبس هدوم الرياضة...لوووووية
وين تمشين؟ بأي ممشى؟ آنا عادة أمشي بممشى الضاحية (إذا الجو زين) طبعاً
انا عن نفسي ما احب الاندية ما احب الاماكن المغلقة
امشي بالهواء برا
وين امشي امممم اذا جو زين احب امشي بممشي السرة اوالبحر او حديقة قريبه منا
اذا جو مو زين الافنيوز
لاتكسلين امشي وراح تستانسين ان شاء الله
وييييييييييينج
؟؟
لي الحين قاعده تمشين بالممشى
اكيد رشوج بالفوم
:)
ضعفتي ...بااااااس ...ردي من الممشى
اشتقنا لج وااااايد
وحشتيني
وللاحبه مكان في قلوبنا يالشيخه
وكل عام والكويت بخير وسعاده وسلام ياااارب
:*********
مشكلتي كسلان
وكفاية علي مشي بين المحاضرات
صبا:تسلمين يالشيخة ياييتكم بالطريج يالله كاني :)
الحارث :يعتمد اذا محاضراتك ابعاد عن بعض اوكي
بس اذا لا ماينفع هالمشي
شد حيلك والله يوفقك بدراستك.
صبحج الله بالخير
ادري معلقه على هالبوست
بس ما يابني الا الوله:)
يارب تكونين بخير
صبحج الله بالخير
ادري معلقه على هالبوست
بس ما يابني الا الوله:)
يارب تكونين بخير
السلام
اولا انهنيج على التصميم العجيب للمدونة شغل رااااااااقي ماشاء الله ورزه بعد (=
ثانيا
المشي
في فايده بعد خلال المشي تنظم افكارج وترتب
تحسين بسعاده كبيرة
تفرغين طاقة وترتاحين
وشكرا على البوست الحلو
أكيد عجبنا الكلام..
كنت مسجلة بدورة ومن شروطها إن نلتزم بالمشي نصف ساعة يوميا.. وفعلا ما أقدر أنكر دورها في تنشيط تفكيري :)
المشي بالكويت بس ينفع بالشتى
ولا من صجج بنطلع شهر 8 نمشي xD
راح نتبخر!!
انا بخير دامج بخير وكل من يمر ويسلم يا استكانتنا الحلوة
الحمد لله موجودة وان شاء الله بوستاتي قادمة :)
مركبنا :يا هلا ويامرحبا تسلمين حبيبتي عيونج الحلوة
صدقتي المشي متعه مابعدها
شاكرة طلتج الحلوة ومريت مدونتج
عجيبه ماشا ءالله ودمها خفيف
بنسير عليكم قريب :)
مستعدة :واو اسمج نشاط وحيوية
اثرتي فضولي شهالدورة الي يطلبون منكم تمشون خوش دورة شكلها عطيني اسمها علشان ارشحها للجميع :)
سليبلس :انا امشي شهر 6و 7 و8 بعد شالمشكلة
باليل تكون خفت الحرارة
او ممكن تمشين داخل الافنيوز وايد ناس اشوفهم هناك
او بنادي
ماكو حجة ,يالله استعدي حلينالج المشكلة
شرفتينا ونورتينا سليبلس :)
إرسال تعليق