الخميس، 11 يونيو 2009

معقولة ما تحب اللون الازرق؟



الازرق اول لون في قائمة الواني المفضلة

لون ساحر و اميل له بشكل كبير

يعطيك هالاحساس بالاسترخاء والراحة

يخفف التوتر والقلق

اللون الوحيد الي يغمر سطح الارض

ويغطي السماء

لون هادي مريح جـــــــميل في كل شي

بس بارد
تصنيفه من الالوان الباردة في عالم الالوان بس برودته هي سبب تميزة

كل لون له خصائص تعطيه صفاته وتميزه عن باقي الالوان

لنفرض فرض ان في شخص مايحب اللون الازرق

او ما يحب لونك المفضل

راح تعاديه؟
تكره؟
تحقد عليه ؟
طبعا لا
بس حصل ناس اكرهة
احقدت
عادت
لمجرد انهم مايحبون نفس اللون !!!!
شي سخيف صح ؟

حبي للون مو معناها ان اهو افضل او احسن من غيرة من الالوان

كل المسأله ان مختلف بالنسبة لي علي الاقل

كثير منا يرفض الاخر لمجرد ان له توجه _فكر _دين مختلف

مو لازم انك تتبنى حبي للون الازرق بس لاترفضني لاتكرهني لمجرد اني احب اللون الازرق

مو من المعقول ان افرض علي كل الناس حب اللون الازرق

لمجرد اني انا احبه ممكن ابين مميزاته وسلباته والقرار في النهاية لك

حياتنا راح تكون اغنى واحلي بكل الالون و جمالها باختلاف هالالوان وتميزها عن بعض .

كون لون مميز منفرد بس اقبل باجي الألوان

بس جد جد في احد ما يحب اللون الازرق ;)

اشوفكم علي خير

هناك 46 تعليقًا:

mellow يقول...

تصدقين في!!
أحسج نفسي بأشياء وايد.
ممكن تشوفين ناس بينهم عداوة بسبب جنسهم لونهم طائفتهم جذورهم و هذا الصراع موجود على مر العصور.

أما الخلافات إلي تصير بسبب :
ليش تعيبين على ممثلتي المفضلة ،لوني المفضل،مطعمي المفضل،سيارتي...إلخ

مو المقصود منها الفيلم ولا الممثلة ولا اللون ، المقصود منها ليش تذمون "إختياراتي" و ما تحترمونها؟
هذا هو سبب العصبية و النرفزة غير المفهومة التي تحدث في جمعات و احاديث تبدأ بداية ودية و تنتهي بـ"معاير"

Sweet Revenge يقول...

يا هلا ويامرحبا صباح الورد والنوير
الأولي بدون منازع
الفكر الواحد ,النظرة الوحدة
ممله
الله سبحانه خلقنا مختلفين ما ادري ليش البعض مو قابل هالحقيقة
افكارنا ,اراءنا اهي لون يميزنا عن الغير بس مو سبب لانك تعاديني او ترفضني
يعني مثلا لما اكون مثلج واحب شاروخ خان بس عكسج وممااااا احب المطبخ فيها شي يعني ;)منوره مكانج الاول

صبا يقول...

صباح الالوان الهاديه

صباحج صافي دوم مثل السما

:***


الناس اذواق...
سواء اللون عاجبني والا مو عاجبني
انا صارت معااااي واااايد
مو بس باللون بكل شي
والمجموعه الي تنتقد اختياراتي لمجرد شخصي اصنفهم بخانة
الناس التافهه...
حتى لو الشي مو عاجبني اجامل
بس ما اكره واحقر واعيب!!
الحمدلله والشكر في ناس عقولهم ناقصه

وصباحج عسل وكورن فليكس
...

esTeKaNa يقول...

صباحك أزرق
:)
أحب صفاء اللون الأزرق
أحب بروده روحه واحساس الجمال فيه
الازرق مساحات السماء وموج بحر ومرتبط بعد بالمنتخب:)

من لا يحب الأزرق لا نحبه
تلك ثقافه متوارثه عند البعض
من لا يتفق معنا لا نحترم اختلافنا معه للاسف
!!
انتي رائعة بربط فكرتين
وانا مشتاقه لج
:)
صباحك خير وورد ونوير
:*

الأستاذ حمام يقول...

انا من عشاق الازرق حتى النخاع..

احسبيني معاكم.. :)

عثماني يقول...

فعلا

منو ما يحب اللون الازرق؟؟

ولكن لولا الاذواق لبارت السلع و انا اخوج

:)

Sweet Revenge يقول...

حتى لو الشي مو عاجبني اجامل
بس ما اكره واحقر واعيب!!


للاسف هذا الي قاعد يصير مو بس في الاشياء
في التوجهات والافكار

وفعلا صغر عقل

االله يعين

شرفتينا حبيبتي :)

:: بـوح الصمـت :: يقول...

اممم مادري ما مروّا عليّ ناس يعادون أحد عشان لون .. فكر .. مبدأ صح بس لون الحمدلله ما صادفت أحد بحيث إن من السخافة يعادي عشان لون !

وعموماً في نظري إختلاف الآراء لا يفسد للود قضية :)
والناس الفاهمة هي فقط التي تحمل فكر معتدل لا يتعصب لأي شي !


بقولج سر عاد !
ما أفضل الأزرق كتييير !
بس أحبج :*
:$

chــاي أخضر يقول...

عاد تدرين

ماحب أحد يحب لوني .. أحب بس أنا أحبّه

حب تملكي .. وملكي ;)

بس أحبب الناس بـ تأثيره !!


صباحج أزرقاني ;)

Sweet Revenge يقول...

يا هلا ويامرحبا استكانه
شلونج ويارب ماتفقدين غالي
لما اقعد مع بعض المجموعات احس طالعين من مصنع واحد ما كو تميز
صار الاختلاف خطا ممكن تتعاقبين بالنفي
اذا ارتكبتي
مررج الاحلي والاجمل ما تقصرين :)

Sweet Revenge يقول...

اللون الازرق يستاهل العشق
حياك الله استاذ حمام

Sweet Revenge يقول...

يا هلا منووور عثماني
كلامك صحيح بس شنو فيها يعني لما يكون لي فكر مختلف عنك لازم نكره بعض يعني
:)

Sweet Revenge يقول...

بوووووحة يا هلا ويا مرحبا
ليش مو قاعدته تدرسين ؟

والناس الفاهمة هي فقط التي تحمل فكر معتدل لا يتعصب لأي شي !"


وصلنا خير الفااااهمه بس اشوف في الفترة الاخيرة ان السالفة زادت


مو لازم تحبين اللون الازرق كافي تحبيني
وتحبج العافية يارب :)

ولاتنسين تبشرينا بالنتايج الحلوه

Sweet Revenge يقول...

شااااي اخضر لاااا جذي بتخليني اغار علي الازرقاني
بس اقولج شي اني املك قلب الي احبه مهم عندي خل يسمونه الي يكون بس حب تملك حلال عندي ;)

charisma يقول...

هههههههه اى مشكله ان فى ناس وايد جذى يا تحبون الى احبه يا مع السلامه

تفكير سطحى مع الاسف وبينى وبينج ما نحتاج هالناس حوالينه بعدهم رااحه

ويا حلو الازرق انا من عشاقه ولونى المفضل :**

Sweet Revenge يقول...

يا هلا كاريزما فئة غريبة اذا انت بالتفصيل علي مزاجهم انت بالنسبة لهم اقل مستوي
ياربي عافيني من قله العقل والعبط
نورك ولانورالكهرباااااا :)

ReLaaaX يقول...

أحبه بس بالصيف ;p
لاجد أحسه يبرد علي لا لبسته !




مساءج وصباحج وصبحج وليلج أزرق --> ترى والله مدح مو مسبة ;)

Sweet Revenge يقول...

يا هلا ريلاكس اسمج عجيب
فعلا لون بارد ويصلح وايد للصيف
وما يطلع منج الا الزين ولو علي اقلب الدنيا كلها ازرق بازرق ما اقول لا

فريج سعود يقول...

انا بعد عمر لاحظت ان لوني المفضل الازرق


من الملابس الي اشتريها

Sweet Revenge يقول...

اللا وعي عندك يحب الازرق مو انت
علي قولتة اخوانا المصريين بتحب الازرق وانت مش واخد بالك
منور فريج :)

kuwaitawy يقول...

الازرق يعبر


:)

جنون الكويت يقول...

اللون الازرق يهدي الاعصاب عشان جذي الباحثين نصحو بعدم استخدامه بطاولات المدارس والجدارن للاطفال لانه سيؤدي الى الخمول الذهني
بارك الله فيك حلو الموضوع

أُمْ حَــسَـــنْ يقول...

لطالما كان الود لا بفسد للأمر قضية فاختلاف الرأي مبدأ للرقي ..و للأسف هذا حال مجتمعنا الان التعصب !!

موضوع جميل جدا و خصوصا اختيارك للون الازرق اختيار موفق.. و صدقتي يوم قلتي منو ما يحب اللون الازرق
و أنا بعد وياكم

تمسين على خير اختي العزيزة

Sweet Revenge يقول...

كويتاوي يا هلا ويا مرحبا منور المدونه
طبعا الزرق يعبر منو غيره يقدر يعبر هالتعبير :)

Sweet Revenge يقول...

يا هلا ويا مرحبا جنون الكويت
خلاص لا يحطونه في المدارس خل يحطونه في الكافيهات او المنتجعات اتوقع افضل مكان :)
اسعدتيني بزيارتج الاولي وعسي ما تكون الاخيرة .

Sweet Revenge يقول...

حيا الله ام حسن يا هلا ويامرحبا
اااايه يا ام حسن هالتعصب بس لو الله يفكنا منه احنا بخير
شاكره مرورج وكلماتج الطيبه الله يحفظج:)

غير معرف يقول...

A7eb al azrag :-)

Sweet Revenge يقول...

هلا فيج ديمه ,لازم تحبينه لون هادي واحسه لون مسالم .
حياج الله ديمه اسعدني تواصلج :)

غير معرف يقول...

عمق اللون الازرق مثل عمق افكارك (:

Sweet Revenge يقول...

غير معرف :شكرا لك تواصلك وتعليقك الطيب

ام الحفيز يقول...

السلام عليكم اقول يوم انج تحبين الازرق ليش صفحتج ورديه اعيوني ،،،،،بس بلاغة شف بعرف ليش

Sweet Revenge يقول...

وعليكم السلام والرحمة ام الحفيز :)

اللون الازرق لوني المفضل بس مو الوحيد احب الوردي وهاللون يمشي من العنوان سويت رفنج ;)

ام الحفيز يقول...

يا اختي الرفينج يبيله احمر على برتقالي ياللله يبرد الجبد...موووو؟ لووووووووووول

Sweet Revenge يقول...

ام الحفيز انتقامي لذيذ ناطع لازم يكون وردي
ولا احمر علي برتقالي هذا انتقام من قراء المدونه عيونهم بتعورهم
منورة ام الحفيز :)

The.One يقول...

شالصدفـــه!!
تونـي كاتـبه بوسـت عن الألوان :)


الألوان لهـا تأثيـر قوي على الشخـص
وكـل لون يحكي حكايـة
ويعبــر عـن حـــال الأنســان



الازرق..
لون مريــح للعيـن
هــادي
يعيشج بالنسمـه الحلوه



وبكل بساطه .. حلو ! :)
يعطيــج العافيــه

Sweet Revenge يقول...

يا هلا ويا مرحبا" ذا ون " ببساطته قلتيها حلوووووو
ومرورج وزيارتج هي الاحلي :)

a7mad Nabeel يقول...

اللللللللللللله ازرق صج احلى الالوان !!
بس شدعوة كراهية و السبة الالوان ؟!
عاد هذي قوية !

عــــــابره يقول...

الازرق عندي لون الحريه

كل الاشياء الي مالها حدود لونها ازرق

البحر - السماء

دمتي بود

Sweet Revenge يقول...

يا هلا احمد صدقت الازرق احلي الالوان :)
اي في ناس تكرهك علشان لونك مختلف
اللون المختلف يمثل فكر ,راي ,وجهة نظر ,دين,مله.
في ناس ماتتحمل ان يكون حوالينها ناس مختلفه عنهم .

شاكرة مرورك وخف علي دكاتره المستقبل
لاتطيح في ايد واحد منهم ;)

Sweet Revenge يقول...

الله ياعابرة اجمل تشبيه مر علي عن اللون الازرق,لون الحرية

الله يعطيج العافية اسعدني تواجدج الحلو ومرورج الاول :)

رورو الشخبوطه يقول...

السلام..

من صجهم !!

جنه ناطرين الزله الله يهداهم يارب..

لون الازرق الفاتح وايد مريح للنظر والنفس ..

ولون الجينز حلو :)

مشكوره خيتو..

غير معرف يقول...

أتشارك معك في اللون المفضـل فأنا بنفسي أحب اللـون " الجويتـي " .,
أعتبـره لون معتـق , أسـطوري ..

و لـكن أختلف في قضية أن الألوان تشير الى نفسية معينة , اختيارت , شخصيـة أم فكر أم كـل ., أختلف في هذا الأمر تمامـًا ..

لربـما تكون جزء من المحيط الذي يشككل الفرد لكن أن تحدد ما هية الفرد كاملا ., فلا أعتقد .!

متزوج 3 وعمري 28 يقول...

واضح أن وطنيتك وحبك للمنتخب طافحة :)
تذكري شيئاً مهماً
أنه لا يوجد ألوان حقيقية في هذا الكون،
فعيوننا هي التي تعكس هذه الألوان فنراها بهذا الشكل
ولكن الكون في حقيقته أبيض وأسود..

Sweet Revenge يقول...

رورو ياهلا فيج اشلونج صاجة بعض الناس ناطرين الزله مافي صبر
وفعلا لون الجنز حلو احب الغامج منه
شرفتينا ونورتينا :)

Sweet Revenge يقول...

اثر :اللون الجويتي ! لوووول احلي وصف منج

كنت اقصد باللون رمز لفكر او راي ما اقصد اللون بحد ذاته

بس كلامج صحيح ان مو شي واحد الي يمثل الانسان

مشكورة علي وجودي الحلو معانا وسماعنا للونج ;)

Sweet Revenge يقول...

متزوج 3 وعمرك 28 اممممممممم ماشاء الله عليك
الله يتمم عليك صعب الصراحة ارضائهم كلهم

انت شفتها بشكل بحت علمي وهذا صحيح
بس شوفها من منظور ثاني احنا اطياف الوان مختلفة من الافكار والمعتقدات وكل شخص فينا يمثل لون او عدة الوان ومافي سبب يخلينا نرفض ان نعيش مع بعض لمجرد ان الوانا مختلفة
حياك الله واتمني ماتكون الاخيرة
انا متاكدة راح نستفيد منك

خلفية

Leelou Blogs