الازرق اول لون في قائمة الواني المفضلة
لون ساحر و اميل له بشكل كبير
يعطيك هالاحساس بالاسترخاء والراحة
يخفف التوتر والقلق
اللون الوحيد الي يغمر سطح الارض
ويغطي السماء
لون هادي مريح جـــــــميل في كل شي
بس بارد
تصنيفه من الالوان الباردة في عالم الالوان بس برودته هي سبب تميزة
كل لون له خصائص تعطيه صفاته وتميزه عن باقي الالوان
لنفرض فرض ان في شخص مايحب اللون الازرق
او ما يحب لونك المفضل
راح تعاديه؟
تكره؟
تحقد عليه ؟
طبعا لا
بس حصل ناس اكرهة
احقدت
عادت
لمجرد انهم مايحبون نفس اللون !!!!
شي سخيف صح ؟
حبي للون مو معناها ان اهو افضل او احسن من غيرة من الالوان
كل المسأله ان مختلف بالنسبة لي علي الاقل
كثير منا يرفض الاخر لمجرد ان له توجه _فكر _دين مختلف
مو لازم انك تتبنى حبي للون الازرق بس لاترفضني لاتكرهني لمجرد اني احب اللون الازرق
مو من المعقول ان افرض علي كل الناس حب اللون الازرق
لمجرد اني انا احبه ممكن ابين مميزاته وسلباته والقرار في النهاية لك
حياتنا راح تكون اغنى واحلي بكل الالون و جمالها باختلاف هالالوان وتميزها عن بعض .
كون لون مميز منفرد بس اقبل باجي الألوان
بس جد جد في احد ما يحب اللون الازرق ;)
اشوفكم علي خير
هناك 46 تعليقًا:
تصدقين في!!
أحسج نفسي بأشياء وايد.
ممكن تشوفين ناس بينهم عداوة بسبب جنسهم لونهم طائفتهم جذورهم و هذا الصراع موجود على مر العصور.
أما الخلافات إلي تصير بسبب :
ليش تعيبين على ممثلتي المفضلة ،لوني المفضل،مطعمي المفضل،سيارتي...إلخ
مو المقصود منها الفيلم ولا الممثلة ولا اللون ، المقصود منها ليش تذمون "إختياراتي" و ما تحترمونها؟
هذا هو سبب العصبية و النرفزة غير المفهومة التي تحدث في جمعات و احاديث تبدأ بداية ودية و تنتهي بـ"معاير"
يا هلا ويامرحبا صباح الورد والنوير
الأولي بدون منازع
الفكر الواحد ,النظرة الوحدة
ممله
الله سبحانه خلقنا مختلفين ما ادري ليش البعض مو قابل هالحقيقة
افكارنا ,اراءنا اهي لون يميزنا عن الغير بس مو سبب لانك تعاديني او ترفضني
يعني مثلا لما اكون مثلج واحب شاروخ خان بس عكسج وممااااا احب المطبخ فيها شي يعني ;)منوره مكانج الاول
صباح الالوان الهاديه
صباحج صافي دوم مثل السما
:***
الناس اذواق...
سواء اللون عاجبني والا مو عاجبني
انا صارت معااااي واااايد
مو بس باللون بكل شي
والمجموعه الي تنتقد اختياراتي لمجرد شخصي اصنفهم بخانة
الناس التافهه...
حتى لو الشي مو عاجبني اجامل
بس ما اكره واحقر واعيب!!
الحمدلله والشكر في ناس عقولهم ناقصه
وصباحج عسل وكورن فليكس
...
صباحك أزرق
:)
أحب صفاء اللون الأزرق
أحب بروده روحه واحساس الجمال فيه
الازرق مساحات السماء وموج بحر ومرتبط بعد بالمنتخب:)
من لا يحب الأزرق لا نحبه
تلك ثقافه متوارثه عند البعض
من لا يتفق معنا لا نحترم اختلافنا معه للاسف
!!
انتي رائعة بربط فكرتين
وانا مشتاقه لج
:)
صباحك خير وورد ونوير
:*
انا من عشاق الازرق حتى النخاع..
احسبيني معاكم.. :)
فعلا
منو ما يحب اللون الازرق؟؟
ولكن لولا الاذواق لبارت السلع و انا اخوج
:)
حتى لو الشي مو عاجبني اجامل
بس ما اكره واحقر واعيب!!
للاسف هذا الي قاعد يصير مو بس في الاشياء
في التوجهات والافكار
وفعلا صغر عقل
االله يعين
شرفتينا حبيبتي :)
اممم مادري ما مروّا عليّ ناس يعادون أحد عشان لون .. فكر .. مبدأ صح بس لون الحمدلله ما صادفت أحد بحيث إن من السخافة يعادي عشان لون !
وعموماً في نظري إختلاف الآراء لا يفسد للود قضية :)
والناس الفاهمة هي فقط التي تحمل فكر معتدل لا يتعصب لأي شي !
بقولج سر عاد !
ما أفضل الأزرق كتييير !
بس أحبج :*
:$
عاد تدرين
ماحب أحد يحب لوني .. أحب بس أنا أحبّه
حب تملكي .. وملكي ;)
بس أحبب الناس بـ تأثيره !!
صباحج أزرقاني ;)
يا هلا ويامرحبا استكانه
شلونج ويارب ماتفقدين غالي
لما اقعد مع بعض المجموعات احس طالعين من مصنع واحد ما كو تميز
صار الاختلاف خطا ممكن تتعاقبين بالنفي
اذا ارتكبتي
مررج الاحلي والاجمل ما تقصرين :)
اللون الازرق يستاهل العشق
حياك الله استاذ حمام
يا هلا منووور عثماني
كلامك صحيح بس شنو فيها يعني لما يكون لي فكر مختلف عنك لازم نكره بعض يعني
:)
بوووووحة يا هلا ويا مرحبا
ليش مو قاعدته تدرسين ؟
والناس الفاهمة هي فقط التي تحمل فكر معتدل لا يتعصب لأي شي !"
وصلنا خير الفااااهمه بس اشوف في الفترة الاخيرة ان السالفة زادت
مو لازم تحبين اللون الازرق كافي تحبيني
وتحبج العافية يارب :)
ولاتنسين تبشرينا بالنتايج الحلوه
شااااي اخضر لاااا جذي بتخليني اغار علي الازرقاني
بس اقولج شي اني املك قلب الي احبه مهم عندي خل يسمونه الي يكون بس حب تملك حلال عندي ;)
هههههههه اى مشكله ان فى ناس وايد جذى يا تحبون الى احبه يا مع السلامه
تفكير سطحى مع الاسف وبينى وبينج ما نحتاج هالناس حوالينه بعدهم رااحه
ويا حلو الازرق انا من عشاقه ولونى المفضل :**
يا هلا كاريزما فئة غريبة اذا انت بالتفصيل علي مزاجهم انت بالنسبة لهم اقل مستوي
ياربي عافيني من قله العقل والعبط
نورك ولانورالكهرباااااا :)
أحبه بس بالصيف ;p
لاجد أحسه يبرد علي لا لبسته !
مساءج وصباحج وصبحج وليلج أزرق --> ترى والله مدح مو مسبة ;)
يا هلا ريلاكس اسمج عجيب
فعلا لون بارد ويصلح وايد للصيف
وما يطلع منج الا الزين ولو علي اقلب الدنيا كلها ازرق بازرق ما اقول لا
انا بعد عمر لاحظت ان لوني المفضل الازرق
من الملابس الي اشتريها
اللا وعي عندك يحب الازرق مو انت
علي قولتة اخوانا المصريين بتحب الازرق وانت مش واخد بالك
منور فريج :)
الازرق يعبر
:)
اللون الازرق يهدي الاعصاب عشان جذي الباحثين نصحو بعدم استخدامه بطاولات المدارس والجدارن للاطفال لانه سيؤدي الى الخمول الذهني
بارك الله فيك حلو الموضوع
لطالما كان الود لا بفسد للأمر قضية فاختلاف الرأي مبدأ للرقي ..و للأسف هذا حال مجتمعنا الان التعصب !!
موضوع جميل جدا و خصوصا اختيارك للون الازرق اختيار موفق.. و صدقتي يوم قلتي منو ما يحب اللون الازرق
و أنا بعد وياكم
تمسين على خير اختي العزيزة
كويتاوي يا هلا ويا مرحبا منور المدونه
طبعا الزرق يعبر منو غيره يقدر يعبر هالتعبير :)
يا هلا ويا مرحبا جنون الكويت
خلاص لا يحطونه في المدارس خل يحطونه في الكافيهات او المنتجعات اتوقع افضل مكان :)
اسعدتيني بزيارتج الاولي وعسي ما تكون الاخيرة .
حيا الله ام حسن يا هلا ويامرحبا
اااايه يا ام حسن هالتعصب بس لو الله يفكنا منه احنا بخير
شاكره مرورج وكلماتج الطيبه الله يحفظج:)
A7eb al azrag :-)
هلا فيج ديمه ,لازم تحبينه لون هادي واحسه لون مسالم .
حياج الله ديمه اسعدني تواصلج :)
عمق اللون الازرق مثل عمق افكارك (:
غير معرف :شكرا لك تواصلك وتعليقك الطيب
السلام عليكم اقول يوم انج تحبين الازرق ليش صفحتج ورديه اعيوني ،،،،،بس بلاغة شف بعرف ليش
وعليكم السلام والرحمة ام الحفيز :)
اللون الازرق لوني المفضل بس مو الوحيد احب الوردي وهاللون يمشي من العنوان سويت رفنج ;)
يا اختي الرفينج يبيله احمر على برتقالي ياللله يبرد الجبد...موووو؟ لووووووووووول
ام الحفيز انتقامي لذيذ ناطع لازم يكون وردي
ولا احمر علي برتقالي هذا انتقام من قراء المدونه عيونهم بتعورهم
منورة ام الحفيز :)
شالصدفـــه!!
تونـي كاتـبه بوسـت عن الألوان :)
الألوان لهـا تأثيـر قوي على الشخـص
وكـل لون يحكي حكايـة
ويعبــر عـن حـــال الأنســان
الازرق..
لون مريــح للعيـن
هــادي
يعيشج بالنسمـه الحلوه
وبكل بساطه .. حلو ! :)
يعطيــج العافيــه
يا هلا ويا مرحبا" ذا ون " ببساطته قلتيها حلوووووو
ومرورج وزيارتج هي الاحلي :)
اللللللللللللله ازرق صج احلى الالوان !!
بس شدعوة كراهية و السبة الالوان ؟!
عاد هذي قوية !
الازرق عندي لون الحريه
كل الاشياء الي مالها حدود لونها ازرق
البحر - السماء
دمتي بود
يا هلا احمد صدقت الازرق احلي الالوان :)
اي في ناس تكرهك علشان لونك مختلف
اللون المختلف يمثل فكر ,راي ,وجهة نظر ,دين,مله.
في ناس ماتتحمل ان يكون حوالينها ناس مختلفه عنهم .
شاكرة مرورك وخف علي دكاتره المستقبل
لاتطيح في ايد واحد منهم ;)
الله ياعابرة اجمل تشبيه مر علي عن اللون الازرق,لون الحرية
الله يعطيج العافية اسعدني تواجدج الحلو ومرورج الاول :)
السلام..
من صجهم !!
جنه ناطرين الزله الله يهداهم يارب..
لون الازرق الفاتح وايد مريح للنظر والنفس ..
ولون الجينز حلو :)
مشكوره خيتو..
أتشارك معك في اللون المفضـل فأنا بنفسي أحب اللـون " الجويتـي " .,
أعتبـره لون معتـق , أسـطوري ..
و لـكن أختلف في قضية أن الألوان تشير الى نفسية معينة , اختيارت , شخصيـة أم فكر أم كـل ., أختلف في هذا الأمر تمامـًا ..
لربـما تكون جزء من المحيط الذي يشككل الفرد لكن أن تحدد ما هية الفرد كاملا ., فلا أعتقد .!
واضح أن وطنيتك وحبك للمنتخب طافحة :)
تذكري شيئاً مهماً
أنه لا يوجد ألوان حقيقية في هذا الكون،
فعيوننا هي التي تعكس هذه الألوان فنراها بهذا الشكل
ولكن الكون في حقيقته أبيض وأسود..
رورو ياهلا فيج اشلونج صاجة بعض الناس ناطرين الزله مافي صبر
وفعلا لون الجنز حلو احب الغامج منه
شرفتينا ونورتينا :)
اثر :اللون الجويتي ! لوووول احلي وصف منج
كنت اقصد باللون رمز لفكر او راي ما اقصد اللون بحد ذاته
بس كلامج صحيح ان مو شي واحد الي يمثل الانسان
مشكورة علي وجودي الحلو معانا وسماعنا للونج ;)
متزوج 3 وعمرك 28 اممممممممم ماشاء الله عليك
الله يتمم عليك صعب الصراحة ارضائهم كلهم
انت شفتها بشكل بحت علمي وهذا صحيح
بس شوفها من منظور ثاني احنا اطياف الوان مختلفة من الافكار والمعتقدات وكل شخص فينا يمثل لون او عدة الوان ومافي سبب يخلينا نرفض ان نعيش مع بعض لمجرد ان الوانا مختلفة
حياك الله واتمني ماتكون الاخيرة
انا متاكدة راح نستفيد منك
إرسال تعليق